| e-texts navigator |
| Wylie |
156b1 བསྟན་ཏོ། །ལུས་ཐམས་ཅད་ཀྱི་ནང་ན་མགོ་བོ་གཙོ་བོ་ཡིན་པ་དེ་བཞིན་དུ་སངས་རྒྱས་ཉིད་གཙོ་བོ་ཡིན་ལ་ཇི་ལྟར་ལུས་ལས་མགོ་བོ་གུད་ན་འདུག་པའང་མ་ཡིན། ལག་པ་གུད་ན་འདུག་པའང
156b2 མ་ཡིན། རྐང་པ་གུད་ན་འདུག་པའང་མ་ཡིན་པ་དེ་བཞིན་དུ་སངས་རྒྱས་གུད་ན་འདུག་པའང་མ་ཡིན། ཆོས་གུད་ན་འདུག་པའང་མ་ཡིན་།དགེ་འདུན་གུད་ན་འདུག་པའང་མ་ཡིན་ནོ། །
156b3 འོན་ཀྱང་ཐ་དད་དུ་དབྱེ་བ་ནི། བྱིས་པ་རྣམས་ངེས་པར་བསྒྲལ་བའི་ཕྱིར་ཐེམ་སྐས་དང་འདྲ་བར་བསྟན་པ་ཡིན་ནོ། །ཆོས་ཀྱི་དེ་ཁོ་ན་ཉིད་དུ་ནི། གཞི་གསུམ་པོ་ལ་ཐ་དད་དུ་དབྱེ་བར་མ་ལྟ
156b4 ཞིག་། བྱིས་པ་བཞིན་དུ་རྨོངས་པར་བྱེད་པའི་ཚིག་རྣམས་མ་འཛིན་ཅིག་།ུར་མོའི་རལ་གྲི་བཞིན་དུ་སེམས་རྣོ་བར་གྱིས་ཤིག་།ཡེ་ཤེས་ཆེན་པོ་དང་ལྡན་པར་གྱིས་ཤིག་།དེ་ནས
156b5 བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུང་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ། །དཔའ་བོ་ཆེན་པོ་བཅོམ་ལྡན་འདས། གློ་བར་ཆུད
156b6 བཞིན་དུ་བྱང་ཆུབ་སེམས་དཔའི་སྤྱོད་པ་དྲི་མ་མེད་པ་བཤད་པར་གསོལ་བའི་སླད་དུ་བདག་གིས་ཞུས་ལགས་སོ། །བཅོམ་ལྡན་འདས། ཀྱེ་མ་བྱང་ཆུབ་སེམས་དཔའི་སྤྱོད་པ་ཐེག་པ་ཆེན
156b7 པོ་བླ་ན་མེད་པ་ཤིན་ཏུ་རྒྱས་པ་ཨུར་མོའི་རལ་གྲི་ལྟ་བུ་ལེགས་པར་བཀའ་སྩལ་ཏོ། །ཀྱེ་མ་ལེགས་པར་བཞག་གོ། བྱང་ཆུབ་སེམས་དཔའི་སྤྱོད་པ་བཤད་པ་ཐོས་ནས་བདག་གིས་ཀྱང
iiif viewer powered by OpenSeadragon
