| e-texts navigator |
| Wylie |
156a1 དཔའ་ཆེན་པོ་རྣམས་ནི། བྱིས་པ་རྣམས་ལ་སྡིག་པའི་ཕུང་པོ་ཟད་མི་ཤེས་པ་ལྟ་བུའང་ཡིན་ནོ། །མཁས་པ་རྣམས་ནི། དེ་དག་ཉིད་སངས་རྒྱས་ལྟ་བུའང་ཡིན་ནོ། །
156a2 དཔེར་ན། དཔའ་བོ་ཡང་དག་པ་ནི། གཡུལ་དུ་འཐབ་པ་ན་འདི་སྙམ་དུ་སེམས་ཏེ། བདག་གིས་དཔའ་བོ་ཐམས་ཅད་ཕམ་པར་བྱས་ནས་ཐམས་ཅད་བདག་ལ་སྐྱབས་སུ་འོང་བར་བྱའོ། །
156a3 སྙམ་དུ་སེམས་པ་དང་། དཔེར་ན། རྒྱལ་པོའི་བུ་ནི། རྒྱལ་པོ་བརྗེ་བའི་སྐབས་སུ་རྒྱལ་པོའི་བུ་ཐམས་ཅད་ལས་འདས་པར་བྱས་ཏེ་བདག་གིས་རྒྱལ་པོ་བྱའོ། །རྒྱལ་པོའི་བུ་ཐམས
156a4 ཅད་ཀྱི་མངའ་བདག་ཏུ་འགྱུར་བར་བྱའོ། །བདག་ལ་དེ་དག་སྐྱབས་སུ་འོང་བར་བྱའོ། །བདག་གིས་དམན་པའི་སེམས་བསྐྱེད་པར་མི་བྱའོ། །སྙམ་དུ་སེམས་པ་ལྟ་བུ་སྟེ། དཔའ་བོ
156a5 རྣམས་དང་། རྒྱལ་པོ་དང་། བློན་པོའང་རུང་སྟེ། ཤིན་ཏུ་མཆོག་ཏུ་གྱུར་པས་ཁྱད་པར་དུ་འཕགས་པ་དེ་ལྟ་བུའི་རང་བཞིན་ཅན་རྣམས་ནི། །རང་གི་ཡོན་ཏན་དང་འཚམ་པའི་བྱ་བ་སྒྲུབ
156a6 པར་བྱེད་དོ། །རིགས་ཀྱི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི། གཞི་གསུམ་ལས་འདའ་བར་འགྱུར་བའི་སེམས་དང་ལྡན་པ་ཡིན་ནོ། །དེ་བས་ན་རྒྱལ
156a7 པོའི་བུ་དང་དཔའ་བོ་བཞིན་དུ་མི་འཇིགས་པར་སྙིང་སྟོབས་སྐྱེད་ཅིག་དང་། ངས་གཞི་གསུམ་ཐ་དད་པ་མེད་པ་དང་། གསུམ་གྱི་ནང་ན་དེ་བཞིན་གཤེགས་པ་དམ་པ་ཡིན་པར་ངས
iiif viewer powered by OpenSeadragon
