| e-texts navigator |
| Wylie |
153b1 སྲོག་བཅད་པས་འཚོ་བ་འཇིག་པར་འགྱུར་ཏེ། དེའི་ཕྱིར་བསགས་པའི་ཁམས་བཤིག་པས་སྲོག་ཆགས་བསད་པར་འགྱུར་རོ། །རིགས་ཀྱི་བུ། དེ་ལྟར་ན། སངས་རྒྱས་ཀྱི་བསྟན་པ་ཤིན་ཏུ
153b2 རྒྱས་པ་ནི། མཆོག་ཏུ་ཆ་ཕྲ་བ་སྟེ། བདུད་རྩིའི་མཆོག་ཀྱང་ཡིན་ནོ། །དུག་གི་མཆོག་ཀྱང་ཡིན་ནོ། །གསོལ་པ། བཅོམ་ལྡན་འདས། ཅི་ལས་དགོངས་ཏེ། ཤིན་ཏུ་རྒྱས་པ་ནི། བདུད་རྩིའི
153b3 མཆོག་ཀྱང་ལགས། དུག་གི་མཆོག་ཀྱང་ལགས་ཞེས་བཀའ་སྩལ་ལགས། བཀའ་སྩལ་པ། རིགས་ཀྱི་བུ། ཁྱོད་དགོངས་པའི་ཚིག་འདི་ཤེས་པར་འདོད་དམ། གསོལ་པ། བཅོམ
153b4 ལྡན་འདས། དགོངས་པའི་ཚིག་གསུང་གི་མཆོག་ཤེས་པར་འཚལ་ལགས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཁ་ཅིག་བདུད
153b5 རྩི་འཐུངས་པས་འཆི་མི་འགྱུར། །ཁ་ཅིག་གིས་ནི་འཐུངས་ན་འཆི་བར་འགྱུར། །ཁ་ཅིག་དུག་འཐུངས་པས་ཀྱང་འཆི་མི་འགྱུར། །ཁ་ཅིག་གིས་ནི་འཐུངས་ན་འཆི་བར་འགྱུར། །ཐེག་པ་ཆེན
153b6 པོ་འདི་ལ་ནི། །ཆགས་མེད་ཡེ་ཤེས་བདུད་རྩི་ཡིན། །མཚུངས་པ་མེད་པའི་ཡེ་ཤེས་མཆོག་།དེ་ཉིད་དུག་ཡིན་ཞེས་ཀྱང་བསྟན། །ཞུ་བའི་འོག་ཏུ་ཟ་བ་ལ། །མར་གྱི་ཉིང་ཁུ་སྦྲང་རྩི་དང་། །ཁ་ར
153b7 རྣམས་ནི་བདུད་རྩི་བཞིན། །མ་ཞུ་ཟ་ལ་དུག་ཏུ་འགྱུར། །དེ་བཞིན་རབ་རྒྱས་བདུད་རྩིའི་མཆོག་།དགོངས་པའི་ཚིག་ལ་མི་མཁས་ཤིང་། །བྱིས་པའི་བློ་དང་ལྡན་རྣམས་ལ། །མི་བཟད་པ་ཡི
iiif viewer powered by OpenSeadragon
