| e-texts navigator |
| Wylie |
152b1 ཀྱི་བུ། དེ་བཞིན་གཤེགས་པའི་སྙིང་པོ་ནི། བཅུད་ཀྱི་ཁམས་དང་འདྲ་བ་ལ་ཉོན་མོངས་པའི་རྣམ་པས་བསྒྲིབས་ཤིང་འདུག་སྟེ། སངས་རྒྱས་སུ་འགྱུར་བའི་རྒྱུར་རོ་གཅིག་ཏུ་ཟིན་ཀྱང་དེ་ལས
152b2 སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པས་རོ་མང་པོར་འགྱུར་ཏེ། སྐྱེས་པ་དང་། བུད་མེད་དང་། མ་ནིང་རྣམས་འབྱུང་བར་འགྱུར་རོ། །དེ་བཞིན་གཤེགས་པའི་ཁམས་དེ་ནི། སྐྱེས
152b3 བུའི་རང་བཞིན་ཡིན་ཏེ། དེ་བས་ན། སྲོག་བཅད་པས་སྲོག་ཆགས་གསད་པར་མི་འགྱུར་རོ། །གལ་ཏེ་སྲོག་ཆགས་བསད་པར་གྱུར་ན་ནི། འཚོ་བ་པོ་གཏན་མེད་པར་བྱས་པར་འགྱུར་ལ།
152b4 འཚོ་བ་པོ་གཏན་མེད་པར་འགྱུར་བ་ནི། མི་སྲིད་དོ། །དེ་ལ་འཚོ་བ་པོ་ཞེས་བྱ་བ་ནི། དེ་བཞིན་གཤེགས་པའི་སྙིང་པོ་ཡིན་ལ་ཁམས་དེ་ནི། གཞིག་པའམ། གསད་པའམ། གཏན་མེད་པར
152b5 བྱ་མི་ནུས་ལ་སངས་རྒྱས་ཉིད་མ་ཐོབ་ཀྱི་བར་དུ་ཤིན་ཏུ་རྣམ་པར་དག་པར་མཐོང་བར་ཡང་མི་ནུས་སོ། །དེ་བས་ན། སྲོག་ཆགས་གསོད་པའི་མི་མེད་དོ། །གསོལ་པ། མ་མཆིས་ཞེས་བགྱིར
152b6 མི་རུང་སྟེ། གལ་ཏེ་མ་མཆིས་སུ་ལགས་ན། སྲོག་ཆགས་བཀུམ་པས་སྡིག་པར་མི་འགྱུར་བའི་རིགས་ལགས་སོ། །བཀའ་སྩལ་པ། ཡོད་དོ། །ཞེས་བརྗོད་པར་བྱ་སྟེ། ཇི་ལྟ་ཞེ་ན། ཕྱི་རོལ
152b7 གྱི་བསགས་པའི་ཁམས་ཤིང་གེལ་པ་དང་འདྲ་བ་དེ་བསད་པ་ལ་སྲོག་གཅོད་པ་ཞེས་བྱ་སྟེ། དེ་བས་ན། སྲོག་བཅད་པས་དེ་སྡིག་པའི་ཚོགས་ཀྱིས་ངན་འགྲོར་འགྲོ་བར་འགྱུར་ལ། ལས
iiif viewer powered by OpenSeadragon
