| e-texts navigator |
| Wylie |
152a1 ཙམ་དུ་ཟད་དོ། །དེ་ནས་རྡོ་རྗེ་བཞིན་དུ་དེ་བཞིན་གཤེགས་པའི་སྙིང་པོ་མཐོང་བར་འགྱུར་རོ། །རིགས་ཀྱི་བུ། དེ་ལྟར་ན། དེ་བཞིན་གཤེགས་པའི་སྙིང་པོ་ནི། དཔག་ཏུ་མེད
152a2 དོ|་|གཞན་ཡང་རིགས་ཀྱི་བུ། དཔེར་ན། གངས་ཀྱི་རི་ལ་བཅུད་ཀྱི་ཁམས་བུད་པའི་བཅུད་ཅེས་བྱ་བ་ཞིག་ཡོད་དེ། དེ་ཤིང་གེལ་པའི་ནགས་སྟུག་པོས་གཟིངས་ཤིང་འདུག་ཀྱང་དེ་དྲི་བསུང
152a3 གིས་མངོན་ཏེ། སྔོན་འཁོར་ལོས་བསྒྱུར་བའི་རྒྱལ་པོ་ཞིག་གིས་དེའི་དོན་དུ་ངོས་སོ་སོ་ནས་ཝ་བཙུགས་ནས་བཅུད་ཀྱི་ཁམས་དེ་ལས་ཝ་ལ་ལའི་ཁ་ནས་ནི། ཁུ་བ་སྐྱུར་བ་འབྱུང་། །ལ་ལའི
152a4 ཁ་ནས་ནི། ལན་ཚྭའི་རོ་འབྱུང་། ལ་ལའི་ཁ་ནས་ནི། མངར་བ་འབྱུང་། ལ་ལའི་ཁ་ནས་ནི། ཚ་བ་འབྱུང་། ལ་ལའི་ཁ་ནས་ནི། ཁ་བ་འབྱུང་། ལ་ལའི་ཁ་ནས་ནི། བསྐ་བ་འབྱུང་སྟེ། བཅུད
152a5 ཀྱི་ཁམས་དེ་ལྟ་བུ་དེ་ནགས་ཀྱི་ནང་ན་ནམ་མཁའ་ལ་ལྡིང་ངོ་། །བཅུད་རོ་གཅིག་པུ་དེ་འདྲ་བ་དེ་ལས་རོ་ཐ་དད་པ་སྣ་ཚོགས་འབྱུང་ལ་རོ་དེ་དག་ཀྱང་ཕན་ཚུན་འདྲེ་བར་མི་འགྱུར་ཏེ། བཅུད
152a6 ཀྱི་ཁམས་དེའང་ཟླ་བའི་དཀྱིལ་འཁོར་བཞིན་དུ་ཡོངས་སུ་ཁྱབ་པར་འདུག་གོ་། དེ་དེ་ལྟར་འདུག་ཀྱང་སེམས་ཅན་གཞན་དག་གིས་ནི། ཤིང་གེལ་པའི་ནགས་དེའི་ནང་དུ་ཞུགས་ཏེ་འཇོར
152a7 དག་གིས་བརྐོས་ཀྱང་སེམས་ཅན་སྐལ་བ་ཆུང་ངུ་རྣམས་ཀྱིས་ཐོབ་པར་མི་འགྱུར་ལ། འཁོར་ལོས་བསྒྱུར་བའི་རྒྱལ་པོས་ནི། བསོད་ནམས་ཀྱི་མཐུས་ཐོབ་པར་འགྱུར་བ་དེ་བཞིན་དུ་རིགས
iiif viewer powered by OpenSeadragon
