| e-texts navigator |
| Wylie |
150a1 རྟག་པ་ལགས་ན། སྐྱེས་སླན་ཆད་འགུམ་པའི་མི་རིགས་ལགས་སོ། །གལ་ཏེ་དེ་བཞིན་གཤེགས་པའི་ཁམས་རྟག་པ་ལགས་ན། ཐ་དད་པའི་བྱེ་བྲག་ཀྱང་དེ་ལ
150a2 སྣང་སྟེ། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དང་། གདོལ་པ་དང་། དུད་འགྲོའི་སྐྱེ་གནས་སུ་གྱུར་པའི་ལས་ཀྱི་བྱེ་བྲག་རྣམས་ལས་སྐྱེ་བའི་བྱེ་བྲག་ཐ་དད
150a3 པ་དག་ཀྱང་སྣང་ལགས་སོ། །གལ་ཏེ་བདག་མཆིས་ན། བྱེ་བྲག་མ་མཆིས་པའི་བདག་ནི། མཉམ་པ་ཉིད་ལགས་ཏེ། དེ་ལྟ་ན། དེ་ལ་ཁམས་མ་མཆིས་ལགས་སོ། །གལ་ཏེ་ཁམས
150a4 མཆིས་ན། གསོད་པ་དང་། ཕ་རོལ་གྱི་ནོར་རྐུ་བ་དང་། འཁྲིག་པ་ལ་སོགས་པ་མི་དགེ་བ་བཅུའི་ལས་ཀྱི་ལམ་རྣམས་ལ་ཅིའི་སླད་དུ་འཇུག་ལགས། ཆང་འཐུངས་པས་ཅིའི་སླད་དུ་ར་རོ་བར
150a5 འགྱུར་ལགས། གལ་ཏེ་སེམས་ཅན་གྱི་ཁམས་རྟག་པ་ལགས་ན། དེ་ལྟ་ན་འོན་པ་རྣམས་ཀྱང་རྣ་བས་ཐོས་པར་འགྱུར་བའི་རིགས། ལོང་བ་རྣམས་ཀྱང་མཐོང་བར་འགྱུར་བའི་རིགས།
150a6 ལྐུག་པ་རྣམས་ཀྱང་སྨྲ་མཁས་པར་འགྱུར་བའི་རིགས་ལགས་སོ། །གལ་ཏེ་བདག་སེམས་ཅན་གྱི་ཁམས་དེ་རྟག་པ་ལགས་ན། བད་ཀན་དང་། ནུར་ནུར་པོ་དང་། སྔོན་པོ་དང་། སེར
150a7 པོའི་ཚོགས་རྣམས་བདག་གང་གི་ནང་ན་གནས་ལགས། བདག་དེའང་དེ་རྣམས་ཀྱི་གོ་སྐབས་གང་ན་གནས་ལགས། འོན་ཏེ་རླན་དང་འདྲ་བར་ཐམས་ཅད་དུ་གནས་ལགས་སམ།
iiif viewer powered by OpenSeadragon
