| e-texts navigator |
| Wylie |
149a1 བསྐུས་ཀྱི། བུ་གཅིག་།ཁྱོད་མ་ནུ་ཞིག་ཅེས་བྱས་སོ། །དེ་ནས་ཁྱེའུ་དེ་སྐོམ་སྟེ་ནུ་མ་ནུའོ། །སྙམ་དུ་བསམ་ནའང་ནུ་མ་ནིམྤའི་ལོ་མའི་དྲི་བྲོ་ནས་ངུས་ཏེ་ཆོ་གའི་མཐར
149a2 མ་ཕྱིན་གྱི་བར་དུ་རང་སྡོད་དོ། །དེ་ནས་ཆོ་ག་ཟིན་ནས་བུད་མེད་དེས་རང་གི་ནུ་མ་གཉིས་ཆུས་བཀྲུས་ནས་བུ་དེ་ལ་སྨྲས་པ། ཀྱེ་བུ་གཅིག་།ད་ནི། ནུ་མ་ནུས་ཤིག་ཅེས་བྱས་ན། ཁྱེའུ་དེས
149a3 དུག་ཡོད་སྙམ་སྟེ་ནུར་མ་བཏུབ་ནས་ངུ་ཞིང་འདུག་སྟེ་བལྟའང་མི་ལྟའོ། །དེ་ནས་ཡང་སྨྲས་པ། སྔར་ནི། ཁྱོད་ཀྱི་སྨན་མར་དེ་མ་ཞུ་བ་ལ་ཐོགས་ཏེ་ནུ་མ་ནུར་མི་གཞུག་པའི་ཕྱིར་ངས་ནུ
149a4 མ་གཉིས་ནིམྤའི་ལོ་མའི་ལྡེ་གུས་བསྐུས་ཏེ། ཁྱོད་ལ་གནོད་པར་འགྱུར་ཞིང་ཤིར་དོགས་ནས་ནུར་མ་བཅུག་པ་ཡིན་གྱི། ད་ནི། ནུས་ཤིག་།ཅེས་བྱས་ནས་ནུར་བཅུག་སྟེ། དེས་ཀྱང
149a5 དལ་བུས་ནུ་མ་ནུས་སོ། །རིགས་ཀྱི་བུ། དེ་བཞིན་དུ་ངས་ཀྱང་སྔར་ནི། གདུལ་པར་བྱ་བའི་དབང་གིས་བྱིས་པའི་སྨན་མར་ཞུ་བར་བྱ་བ་བཞིན་དུ། དགེ་སློང་རྣམས་ཀྱི་འཇིག་རྟེན་པའི
149a6 ལྟ་བ་གཞོམ་པར་བྱ་བའི་ཕྱིར་དང་། འཇིག་རྟེན་ལས་འདས་པའི་ཆེ་བ་ཉིད་ཡང་དག་པར་བསྟན་པའི་ཕྱིར་དང་། འཇིག་རྟེན་པའི་བདག་ཉིད་དེ་ཁོ་ན་ཉིད་རྫུན་པར་ཡང་དག་པར
149a7 བསྟན་པའི་ཕྱིར་དང་། བདག་མེད་པར་སྒོམ་པས་ལུས་རྣམ་པར་དག་པར་བྱ་བའི་ཕྱིར་དགེ་སློང་དག་ཆོས་ཐམས་ཅད་བདག་མེད་པར་སྒོམས་ཤིག་།དེ་ལྟར་བསྒོམས་དང་ངར་འཛིན
iiif viewer powered by OpenSeadragon
