| e-texts navigator |
| Wylie |
148b1 རིགས་ཀྱི་བུ། ངས་སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་དོ། །ཞེས་ཡང་དག་པར་བསྟན་པར་བྱ་སྟེ། ཇི་ལྟར་དབུལ་མོ་དེས་གཏེར་ཆེན་པོ་ཡོད་པར་བསྟན་ཀྱང་མི
148b2 ས་ཧེས་པ་དེ་བཞིན་དུ་སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་པའང་ཉོན་མོངས་པའི་རྣམ་པས་བསྒྲིབས་པས་སེམས་ཅན་རྣམས་ཀྱིས་མི་ཤེས་ཤིང་མ་མཐོང་ནས་དེ
148b3 དག་ལ་དེ་བཞིན་གཤེགས་པས་བསྟན་ཏེ། དེ་དག་མགུ་ནས་དེ་བཞིན་གཤེགས་པ་ལ་སྐྱབས་སུ་འགྲོའོ། །གསོལ་པ། བཅོམ་ལྡན་འདས། སངས་རྒྱས་ཀྱི་ཁམས་མཆིས་པར་ད་བདག་གིས
148b4 རྟོགས་ཏེ། གདམས་ངག་སྟོན་པར་མཛད་པའི་དེ་བཞིན་གཤེགས་པ་ཉིད་ནི། ཐབས་དང་ལྡན་བའི་མི་དེ་དང་འདྲ་བར་བལྟ་བར་བགྱིའོ། །སེམས་ཅན་ཐམས་ཅད་ནི། བུད་མེད་དབུལ་མོ
148b5 དང་འདྲ་བར་བལྟ་བར་བགྱིའོ། །བཀའ་སྩལ་པ། རིགས་ཀྱི་བུ། གཞན་ཡང་དཔེར་ན། བུད་མེད་ཅིག་ཡོད་ལ་དེའི་བུ་ཤིན་ཏུ་ཆུང་བ་ནད་པ་ཞིག་ཡོད་དེ། དེའི་སྐབས་སུ་བུད་མེད་དེས་སྨན་པ
148b6 བཀུག་ནས་སྨན་པ་དེས་བྱིས་པ་དེ་ཁ་ར་དང་སྦྱར་བའི་སྨན་མར་བླུད་ནས་དེའི་མ་ལ་བསྒོ་བ། ཆེ་ཞེ། ཁྱོད་ཀྱིས་སྨན་མར་མ་ཞུ་བའི་བར་དུ་བྱིས་པ་ལ་ནུ་མ་མ་བླུད་ཅིག་།ཅེས་བྱས་ནས་བུད
148b7 མེད་དེས་དེ་ནུར་མི་གཞུག་པར་བྱ་བའི་ཕྱིར་བདག་གི་ནུ་མ་གཉིས་ནིམྤའི་ལོ་མ་བཏགས་པའི་ལྡེ་གུས་བསྐུས་ནས་རང་གི་བུ་ལའང་འདི་སྐད་ཅེས་བསྒོ་སྟེ། བུ་གཅིག་།ངའི་ནུ་མ་དུག་གིས
iiif viewer powered by OpenSeadragon
