| e-texts navigator |
| Wylie |
148a1 དེ་ལ་བུད་མེད་དབུལ་མོ་ཞིག་འདུག་པ་དེས་ཀྱང་བདག་གི་ཁྱིམ་གྱ་སའི་འོག་ན་གཏེར་ཡོད་པར་མི་ཤེས་ཏེ། དེར་ཐབས་དང་ལྡན་པའི་མི་ཞིག་གིས་བུད་མེད་དེ
148a2 ལ་སྨྲས་པ། སྲུ་ཚུར་ཤོག་།བདག་གིས་ཁྱོད་ལ་གླ་སྦྱིན་གྱི། བདག་གི་ཞིང་ལས་བྱེད་དུ་སོང་ཞིག་ཅེས་བྱས་པ་དང་། དེས་དེ་ལ་སྨྲས་པ། ཇོ་བོ། །བདག་མི་མཆིའོ། །གལ་ཏེ་ཁྱོད་ཀྱིས
148a3 བདག་གི་བུ་ལ་གཏེར་བསྟན་ན་ནི། གཟོད་བདག་མཆི་བར་འཚལ་ལོ། །ཞེས་འཐད་པས་གྲུབ་པའི་ཚིག་སྨྲས་པ་དང་། དེས་དེ་ལ་སྨྲས་པ། སྲུ། བདག་གི་བུ་ཁྱོད་ལས་སྐྱེས་མ་ཐག་ཏུ
148a4 བདག་གིས་རིན་པོ་ཆེ་དང་གསེར་གྱི་གཏེར་ཟད་མི་ཤེས་པ་སྦྱིན་པར་བྱའོ། །དེ་ནས་དེས་དེ་ལ་སྨྲས་པ། ཁྱོད་ཀྱིས་ག་ལ་བྱིན་ཏེ། བདག་ལ་མཐོ་འཚམ་པར་ཟད་དོ། །དེ་ནས་དེས་དེ
148a5 ལ་སྨྲས་པ། ཁྱོད་ཉིད་ཀྱི་ཁྱིམ་ན་གཏེར་ཡོད་མོད་ཀྱི། ཁྱོད་བདག་ཀྱང་མི་ཤེས་ན། གཞན་གྱིས་ལྟ་ཤེས་པར་ག་ལ་ནུས། དེ་ནས་དེ་བདག་གིས་ཐོབ་པར་འཚལ་ལོ། །ཞེས་དེ་དེ་ལ
148a6 གསོལ་པ་འདེབས་སོ་། དེ་ནས་དེས་ཁྱིམ་དེའི་ནང་ནས་གཏེར་དེ་བརྐོས་ནས་དེ་ཉིད་ལ་བྱིན་ནོ། །དེ་ནས་དེས་དེ་མཐོང་ནས་ངོ་མཚར་དུ་གྱུར་ཏེ། དེ་ལ་སྐྱབས་སུ་སོང་བ་དེ་བཞིན་དུ
148a7 རིགས་ཀྱི་བུ། དེ་བཞིན་གཤེགས་པའི་སྙིང་པོ་ནི། སེམས་ཅན་ཐམས་ཅད་ལ་ཡོད་ལ་མཐོང་བར་མི་ནུས་པ་ཙམ་དུ་ཟད་དེ། བུད་མེད་དབུལ་མོ་དེ་ཉིད་ལ་གཏེར་ཡོད་པ་དང་འདྲའོ། །
iiif viewer powered by OpenSeadragon
