| e-texts navigator |
| Wylie |
147a1 བདེ་བ་ལ་སྡུག་བསྔལ་བར་འདུ་ཤེས་པ་ནི། ཕྱིན་ཅི་ལོག་ཡིན་ཏེ། དེ་བཞིན་གཤེགས་པ་རྟག་གོ་།ཞེས་བསྒོམས་ན། གང་ཟག་ཏུ་ལྟ་བར་འགྱུར་དུ་འོང་ངོ་། །
147a2 སྙམ་ནས་སྒོམ་པ་འདི་ནི། སྡུག་བསྔལ་བའོ། །སྙམ་པ་ནི། བདེ་བར་འདུ་ཤེས་པ་རྣམས་ཀྱི་ཕྱིན་ཅི་ལོག་ཡིན་ཏེ། འདི་ནི། ཕྱིན་ཅི་ལོག་དང་པོའོ། །མི་རྟག་པ་ལ་རྟག་པར་འདུ་ཤེས
147a3 པ་ནི། ཕྱིན་ཅི་ལོག་ཡིན་ནོ། །རྟག་པ་ལ་མི་རྟག་པར་འདུ་ཤེས་པ་ནི། ཕྱིན་ཅི་ལོག་ཡིན་ནོ། །དེ་ལ་གཏན་དུ་སྟོང་པ་ཉིད་བསྒོམས་ན། མི་ཚེ་ཐུང་བར་འགྱུར་རོ། །སྙམ་ནས་དེའི་ཕྱིར་མི
147a4 རྟག་པ་ཉིད་ལ་སྟོང་པ་ཉིད་མ་ཡིན་པར་བསྒོམས་ན། བསྒོམས་པ་དེའི་འབྲས་བུས་ཚེ་རིང་བར་འགྱུར་རོ། །སྙམ་པ་དེའང་ཕྱིན་ཅི་ལོག་ཡིན་ཏེ། འདི་ནི། ཕྱིན་ཅི་ལོག་གཉིས་པའོ། །
147a5 བདག་མེད་པ་ལ་བདག་ཏུ་འདུ་ཤེས་པ་ནི། ཕྱིན་ཅི་ལོག་ཡིན་ནོ། །བདག་ཡོད་པ་ལ་བདག་མེད་པར་འདུ་ཤེས་པ་ནི། ཕྱིན་ཅི་ལོག་ཡིན་ནོ། །དེ་ལ་འཇིག་རྟེན་པ་རྣམས་ལ་བདག་ཡོད
147a6 ཅེས་ཏེ། འཇིག་རྟེན་པ་བཞིན་དུ་སངས་རྒྱས་ཀྱི་གསུང་ལའང་བདག་ཡོད་པ་མ་ཡིན་ཏེ། དེ་བཞིན་གཤེགས་པའི་སྙིང་པོའི་མིང་ཡང་མེད་དོ། །ཞེས་བདག་མེད་པ་སྒོམ་པ་འདི་ནི། ཕྱིན
147a7 ཅི་ལོག་གསུམ་པའོ། །མི་གཙང་བ་ལ་གཙང་བར་འདུ་ཤེས་པ་ནི། ཕྱིན་ཅི་ལོག་ཡིན་ནོ། །གཙང་བ་ལ་མི་གཙང་བར་འདུ་ཤེས་པ་ནི། ཕྱིན་ཅི་ལོག་ཡིན་ནོ། །དེ་ལ་དེ་བཞིན་གཤེགས
iiif viewer powered by OpenSeadragon
