| e-texts navigator |
| Wylie |
146b1 འབྲས་བུ་ཐོབ་བོ། །ཕྱིན་ཅི་ལོག་བཞི་པོ་སྡུག་བསྔལ་བ་དང་། བདག་མེད་པ་དང་། མི་གཙང་བ་རྣམས་ཆོས་མ་ཡིན་པ་ལ་ཆོས་ཡིན་ནོ། །སྙམ་དུ་འཛིན་པས་ལྟ་བ་ངན་པའི་འབྲས་བུ་མྱོང
146b2 བ་འདི་ནི། སྡུག་བསྔལ་འགོག་པར་འགྱུར་བའི་ལམ་ཞེས་བྱའོ། །གཞི་གསུམ་རྟག་པ་བསྒོམ་པ་བསྒྲུབ་པའི་ཕྱིར་མི་རྟག་པ་སྒོམ་པ་གང་ཡིན་པ་དེ་དག་ནི། མི་བདེན་པ་བསྒོམ་པ
146b3 ལ་སྒོམ་པ་ཡིན་ནོ། །དེ་ལྟར་རྟག་པར་སྒོམ་པ་གང་ཡིན་པ་དེ་དག་ནི། ངའི་ཉན་ཐོས་ཡིན་ཏེ། འཕགས་པའི་བདེན་པ་བཞི་ཤེས་པའོ། །ཞེས་ང་ཟེར་རོ། །འདི་རྣམས་ནི། འཕགས
146b4 པའི་བདེན་པ་བཞི་ཡིན་པར་རིག་པར་བྱའོ། །གསོལ་པ། བཅོམ་ལྡན་འདས། འཕགས་པའི་བདེན་པ་བཞི་ལམ་འདིའི་ཚུལ་གྱིས་བསྒོམ་པར་བགྱི་བ་བདག་གིས་ད་གཟོད་རྟོགས
146b5 ལགས་སོ། །བཀའ་སྩལ་པ། སྡུག་བསྔལ་ལ་བདེ་བར་འདུ་ཤེས་པ་ནི། ཕྱིན་ཅི་ལོག་ཡིན་ནོ། །བདེ་བ་ལ་སྡུག་བསྔལ་བར་འདུ་ཤེས་པ་ནི། ཕྱིན་ཅི་ལོག་ཡིན་ནོ། །དེ་ལ་དེ་བཞིན
146b6 གཤེགས་པ་མི་རྟག་ཅེས་བྱ་བ་དེ་ནི། སྡིག་པ་དང་། སྡུག་བསྔལ་བ་ཡིན་ནོ། །དེ་བཞིན་གཤེགས་པ་བུད་ཤིང་ཟད་པའི་མེ་བཞིན་དུ་ཡོངས་སུ་མྱ་ངན་ལས་འདས་སོ། །ཞེས་བྱ་བ་དེ་ནི།
146b7 སྡིག་པ་དང་། སྡུག་བསྔལ་བ་ཡིན་ནོ། །སྡུག་བསྔལ་བ་མ་ཡིན་པ་ཞེས་བདག་ཉིད་སྒོམ་པར་བྱེད་པ་དང་། དེ་བཞིན་གཤེགས་པ་མི་རྟག་གོ་།ཞེས་བྱ་བ་འདི་ནི། ཕྱིན་ཅི་ལོག་ཡིན་ནོ། །
iiif viewer powered by OpenSeadragon
