| e-texts navigator |
| Wylie |
145b1 དེ་ནས་མཐོ་རིས་དང་ཐར་པ་ཐོབ་པར་འགྱུར་ཏེ། མཐོ་རིས་དང་ཐར་པ་ཐོབ་པའི་སྡུག་བསྔལ་ཀུན་འབྱུང་བའི་དེ་ཁོ་ན་ཉིད་བདག་གིས་མ་ཤེས་པས་དམ་པའི་ཆོས་འཇིག་པའི་རྒྱུར་གྱུར་ཏེ་ཉེས
145b2 པར་སྨྲས་པའི་ཚིག་གིས་ཡུན་འདི་སྲིད་ཀྱི་བར་དུ་ཉོན་མོངས་པར་གྱུར་ཏོ། །སྙམ་དུ་ཤེས་པ་འདི་ནི། སྡུག་བསྔལ་ཀུན་འབྱུང་བ་ཤེས་པ་ཞེས་བརྗོད་པར་བྱའོ། །གཞན་དག་གི་ནི། དེ་ལྟ
145b3 མ་ཡིན་ནོ། །འདི་ནི། སྡུག་བསྔལ་འགོག་པ་ཞེས་བྱ་བ་ལ་སྟོང་པ་ཉིད་སྒོམ་པ་ནི། གཏན་དུ་སྟོང་པ་ཉིད་སྒོམ་པ་ཐམས་ཅད་ཟད་པ་དེ་བཞིན་གཤེགས་པའི་སྙིང་པོ་མེད་པར་བྱེད་པ་དེ་ལྟ
145b4 བུ་མ་ཡིན་ཏེ། སྡུག་བསྔལ་འགོག་པ་སྒོམ་པ་ནི། ཡ་མཚན་ཅན་ཐམས་ཅད་ལའང་དོན་དང་འགལ་བའི་སྟོང་པ་ཉིད་ཡོད་དེ། དེ་རྣམས་ཀྱིའང་སྡུག་བསྔལ་འགོག་པ་ཞེས་བྱ་བར
145b5 འགྱུར་རོ། །སེམས་ཅན་ཐམས་ཅད་ལ་ནི། དེ་བཞིན་གཤེགས་པའི་སྙིང་པོ་ཡོད་དེ། དེ་ནི། གསལ་བར་མི་མངོན་ནོ། །གང་གི་ཚེ་ཉོན་མོངས་པ་ཟད་པ་དེའི་ཚེ་དེ་བཞིན་གཤེགས་པའི
145b6 སྙིང་པོ་ལ་འཇུག་པ་ཁྱེད་ཀྱིས་མཐོང་བར་འགྱུར་རོ། །གང་གི་ཚེ་སེམས་གཅིག་བསྐྱེད་པའི་ལས་ཀྱི་འབྲས་བུས་བདག་གིས་ཆོས་ཀྱི་དབང་ཕྱུག་རྟག་པ་དང་། བདེ་བ་འཐོབ་བོ། །སྙམ་དུ
145b7 ཁྱོད་ཀྱིས་ཤེས་པར་གྱུར་པ་དེ་ནི། སྡུག་བསྔལ་འགོག་པ་བསྒོམ་པར་བྱ་བ་ལ་སྒོམ་པ་ཡིན་ནོ། དེ་བཞིན་གཤེགས་པའི་སྙིང་པོ་བདག་མེད་པར་བསྒོམས་ཤིང་གཏན་དུ་སྟོང་པ་ཉིད
iiif viewer powered by OpenSeadragon
