| e-texts navigator |
| Wylie |
145a1 སྡུག་བསྔལ་ཉམས་སུ་མྱོང་ནས་ངན་འགྲོར་འགྲོ་བར་འགྱུར་རོ། །གང་གི་ཚེ་དེ་བཞིན་གཤེགས་པ་རྟག་པར་ཤེས་པ་དེའི་ཚེ་ནི། ཡི་གེ་འབྲུ་གཉིས་པོ། ཇི་ལྟ
145a2 བུར་ཐོས་ཀྱང་རུང་སྟེ། བདེ་འགྲོར་འགྲོ་བར་འགྱུར་རོ། །དེ་ནས་ཐར་པའང་ཐོབ་པར་འགྱུར་རོ། །དེས་ན་འདི་ནི། རྫུ་འཕྲུལ་གྱི་བདེ་བ་ཡིན་ནོ། །སྙམ་དུ་རང་གིས་རྟོགས་པར་འགྱུར་ཏེ།
145a3 དེ་བཞིན་གཤེགས་པ་རྟག་ཅེས་བྱ་བ་ཐོབ་པ་ཙམ་གྱི་རྒྱུ་དེས་ན་བདག་འདིར་འོངས་སོ། །དེ་བཞིན་གཤེགས་པ་རྟག་པར་མ་ཤེས་ཀྱི་བར་དུ་ནི། ཡུན་དེ་སྲིད་ཀྱི་བར་བདག་སྡུག
145a4 བསྔལ་རྣམས་ཀྱི་ནང་དུ་འཁོར་ཏོ། །ང་ནི། སྡུག་བསྔལ་ཤེས་སོ། །ཞེས་བྱ་བ་འདི་ནི། བདེན་པ་ཡིན་ནོ། །གཞན་དག་གི་སྡུག་བསྔལ་བསྒོམ་པ་ནི། དོན་མེད་པའོ། །འདི་ནི། སྡུག
145a5 བསྔལ་ཀུན་འབྱུང་བའོ། །ཞེས་བྱ་བ་ནི། ཆོས་ཀྱི་དེ་ཁོ་ན་ཉིད་ལ་དེ་ཁོ་ན་ཉིད་མ་ཤེས་ནས། ཆོས་ལ་དགོངས་པའི་ཕྱིར་བྲན་དང་བྲན་མོ་ལ་སོགས་པ་རྫས་ངན་པ་དུ་མ་ལེན་པར
145a6 བྱེད་ཅིང་ཆོས་མ་ཡིན་པ་ལ་ཆོས་ཡིན་ནོ། །སྙམ་དུ་འཛིན་ཏེ། དམ་པའི་ཆོས་ནུབ་པར་བྱེད་ཅིང་དམ་པའི་ཆོས་མི་སྣང་བར་བྱེད་པར་འགྱུར་ཏེ། དམ་པའི་ཆོས་གནས་པར་བྱ་བའི་ཐབས
145a7 མི་ཤེས་པས་འདི་ལྟར་འཛིན་ཏེ། དམ་པའི་ཆོས་འཇིག་པར་འགྱུར་ཞེས་བྱ་བ་མེད་དོ། །སྙམ་ནས་དེའི་འབྲས་བུས་འཁོར་བའི་སྡུག་བསྔལ་རྣམས་ཀྱི་ནང་དུ་ཡོངས་སུ་འཁྱམ་མོ། །
iiif viewer powered by OpenSeadragon
