| e-texts navigator |
| Wylie |
144b1 པར་བྱའོ། །སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི། བྱང་ཆུབ་སེམས་དཔའ་ཡིན་པར་རིག་པར་བྱའོ། །རིགས་ཀྱི་བུ།
144b2 འདི་ནི། ངས་བདུད་ཀྱིས་སྨྲས་པ་དང་། སངས་རྒྱས་ཀྱིས་གསུངས་པའི་བྱེ་བྲག་རྒྱས་པར་བསྟན་པ་ཡིན་ནོ། །གསོལ་པ། བཅོམ་ལྡན་འདས། བདག་ནི། དེང་གདོད་སངས་རྒྱས་ཀྱི་བཀའ་ལ
144b3 ཞུགས་ལགས་སོ། །བཀའ་སྩལ་པ། རིགས་ཀྱི་བུ། ལེགས་སོ། །ལེགས་སོ། །རིགས་ཀྱི་བུ། ཁྱོད་ལེགས་ཏེ། མཁས་པས་ནི། དེ་ལྟར་བྱ་དགོས་སོ། །ཡང་བཀའ་སྩལ་པ། རིགས་ཀྱི་བུ།
144b4 འདི་ནི། སྡུག་བསྔལ་སོ། །ཞེས་བྱ་བ་ནི། འཕགས་པ་རྣམས་ཀྱི་བདེན་པ་ཞེས་མི་བྱ་སྟེ། སྡུག་བསྔལ་དེའང་གང་ཞེ་ན། སྡུག་བསྔལ་ཞེས་བྱ་བ་ནི། བ་ལང་དང་། བོང་བུ་ལ་སོགས་པ་དང་།
144b5 སེམས་ཅན་དམྱལ་བ་པ་རྣམས་ལའང་ཡོད་དེ། གལ་ཏེ་སྡུག་བསྔལ་དེ་བདེན་པ་ཡིན་དུ་ཟིན་ན། དེ་རྣམས་ཀྱིའང་བདེན་པ་ཡིན་པར་འགྱུར་རོ། །སྡུག་བསྔལ་ཞེས་བྱ་བ་འདི་ནི། ཀྱེ་མ
144b6 སྡུག་བསྔལ་ཤེས་པ་ཞེས་བྱ་བ་ལ་དེ་བཞིན་གཤེགས་པ་རྟག་པའོ། །ཆོས་ཀྱི་སྐུ་ཡིན་ཏེ། ཤའི་སྐུ་མ་ཡིན་ནོ། །ཞེས་དེ་བཞིན་གཤེགས་པའི་ཆེ་བ་ཉིད་ཤེས་པ་ནི། སྡུག་བསྔལ་ཤེས
144b7 པའོ། །དེ་མ་ཐོབ་ཀྱི་བར་དུ་སེམས་ཅན་རྣམས་ཀྱིས་ཆོས་མ་ཡིན་པ་ལ་ཆོས་ཡིན་ནོ། །སྙམ་དུ་ཡོངས་སུ་བརྟགས་ནས་འཁོར་བའི་འཁོར་ལོ་ཤིན་ཏུ་སྡུག་བསྔལ་བའི་གནས་སུ་ཡུན་རིང་པོར
iiif viewer powered by OpenSeadragon
