| e-texts navigator |
| Wylie |
143b1 འགྱུར་ན། དེ་ལ་གཙང་ངོ་། །སྙམ་པའི་བློ་ལྟ་ག་ལ་འབྱུང་། གལ་ཏེ་སེམས་སྐྱེས་ནའང་ཕྱིར་གཞིལ་བར་བྱའོ། །ཞེས་ཟེར་བ་དེ་ལྟ་བུའི་ཆོས་ཀྱི་སྒོ་ནི། སངས་རྒྱས་ཀྱིས་གསུངས་པའི་མདོ
143b2 སྡེ་དང་། འདུལ་བ་ཡིན་པར་རིག་པར་བྱའོ། །བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི། བདུད་དང་མཐུན་པར་བྱེད་པ
143b3 ཡིན་པར་རིག་པར་བྱའོ། །སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཚད་མར་བྱེད་པ་གང་ཡིན་པ་དེ་དག་ནི། བྱང་ཆུབ་སེམས་དཔའ་ཡིན་པར་རིག་པར་བྱའོ། །དཔའ་བོའི
143b4 འདུག་སྟངས་དང་། མི་སྨྲ་བར་འདུག་པ་དང་། གཡང་སར་མཆོང་བ་དང་། དུག་ཟ་བ་དང་། སྨྱུང་བར་འདུག་པ་དང་། བདག་ཉིད་འཆིང་བར་བྱེད་པ་དང་། བདག་ཉིད་གསོད་པྲ་བྱེད
143b5 པ་དང་། ཞེ་ནོམ་བྱེད་དུ་འཇུག་པ་དང་། རིག་སྔགས་དང་། གསང་སྔགས་ཟློས་པ་དང་། སྐྲུན་པའི་ལས་བྱེད་པར་བཅོམ་ལྡན་འདས་ཀྱིས་གནང་ངོ་། །གདོལ་བའི་བུ་དང་། མ་ནིང་དང་།
143b6 མཚན་གཉིས་པ་དང་། ཡན་ལག་ཉམས་པ་ཐམས་ཅད་རབ་ཏུ་འབྱུང་བར་བཅོམ་ལྡན་འདས་ཀྱིས་གནང་ངོ་། །དེ་བཞིན་གཤེགས་པས་ནི། བའི་བཅུད་རྣམ་ལྔ་དང་། སྦྲང་རྩི་དང་།
143b7 འབྲུ་མར་ལ་སོགས་པ་དང་། ཟབ་དར་དང་། དུང་དང་། ལྷ་མ་དང་། འབྲུ་ལ་སོགས་པ་སྤངས་ཏེ། ཤིང་ངོ་ཅོག་ལ་སྲོག་དང་འདུ་ཤེས་ཡོད་པར་གཟིགས་ནས་ཡོངས་སུ་མྱ་ངན་ལས
iiif viewer powered by OpenSeadragon
