| e-texts navigator |
| Wylie |
143a1 ཀྱི་འདོད་ཆགས་སྐྱེས་པ་དེའི་ཚེ་ནི། སྐྱེས་པ་དང་འདོད་པ་སྤྱོད་པར་བྱེད་དོ། །དེ་བས་ན། མཚན་གཉིས་པ་ཞེས་བྱ་སྟེ། དེ་དང་ཡང་བསྟེན་པར་མི་བྱའོ། །དེ་ལྟར་དེ
143a2 ལྟ་བུ་དག་དང་བསྟེན་པར་མི་བྱ་ན། བསླབ་པའི་གཞི་ལྔའི་ཉེས་པ་བྱེད་པ་དེ་དག་ལྟ་ལ་བསྟེན་དུ་ག་ལ་རུང་།། །།འཕགས་པ་ཡོངས་སུ་མྱ་ངན་ལས་འདས་པ་ཐེག་པ
143a3 ཆེན་པོའི་མདོ། བམ་པོ་དགུ་པ། དགེ་སློང་རྣམས་ཀྱིས་ནི། ཐོག་མར་དགེ་སྦྱོང་གི་ཆོས་ཀྱིས་གྲོག་སྦུར་རྣམས་ལའང་སྙིང་རྗེ་བྱའོ། །དགེ་སྦྱོང་གི་ཆོས་ཀྱིས་ཆང་གི་དྲི་བྲོ་བའི
143a4 བཏུང་བའང་སྤང་བར་བྱའོ། །དགེ་སྦྱོང་གི་ཆོས་ཀྱིས་རྨི་ལམ་དུའང་བརྫུན་དུ་སྨྲ་བའི་སེམས་བསྐྱེད་པར་མི་བྱའོ། །དགེ་སློང་གི་ཆོས་ཀྱིས་རྨི་ལམ་དུའང་བུད་མེད་དང་ཕྲད་པའི་སེམས
143a5 བསྐྱེད་པར་མི་བྱའོ། །གསོལ་པ། ཅི་ལགས། རྨི་ལམ་དུ་བུད་མེད་དང་ཕྲད་པར་གྱུར་ན། མི་ཚངས་པར་སྤྱོད་པའི་ནོངས་པར་འགྱུར་ལགས་སམ། བཀའ་སྩལ་པ། མི་འགྱུར་ཏེ།
143a6 གལ་ཏེ་བློ་གྲོས་དང་དྲན་པ་དང་ལྡན་པ་འདོད་པ་དྲི་ང་བ་དག་ལ་མི་ཚངས་པར་སྤྱོད་པའི་སེམས་མི་སྐྱེད་ན། དེ་ནི། ཉོན་མོངས་པ་དང་བུད་མེད་ཀྱི་གཏམ་སྨད་པས་རྟོག་པ་ཡང་དག
143a7 པར་ཆད་པའི་ཕྱིར་སེམས་བསྐྱེད་མི་སྲིད་དོ། །རྨི་ལམ་དུ་ཕྲད་པར་གྱུར་ནའང་ནང་པར་སད་ན། མུ་གེ་བྱུང་བའི་ཚེ་དགེ་སློང་གིས་རང་གི་བུའི་ཤའི་ཟས་ཟོས་པ་བཞིན་དུ་འགྱོད་པར
iiif viewer powered by OpenSeadragon
