| e-texts navigator |
| Wylie |
142a1 དེ་བཞིན་གཤེགས་པའི་ཆེ་བ་ཉིད་ཀྱང་བསྟན་པར་བྱའོ། །ཤིན་ཏུ་རྒྱས་པའི་མདོ་སྡེ་རྣམས་ཀྱང་བསྒྲག་པར་བྱའོ། །སེམས་ཅན་ཐམས་ཅད་ཀྱང་དེས་པར
142a2 བསྒྲལ་བར་བྱའོ། །འདུལ་བ་དང་འདུལ་བ་མ་ཡིན་པའི་བྱེ་བྲག་ཀྱང་ཕྱེད་པར་བྱའོ། །བདག་ལ་སངས་རྒྱས་སུ་འགྱུར་བའི་ས་བོན་དེ་བཞིན་གཤེགས་པའི་སྙིང་པོ་ཞེས་བྱ་བ་ཡོད
142a3 དེ|་བདག་གིས་སངས་རྒྱས་ཐོབ་པར་འགྱུར་རོ། །བདག་གིས་ཉོན་མོངས་པའི་རྣམ་པ་རྣམས་རྣམ་པར་གཞོམ་པར་བྱའོ། །དགེ་བསྙེན་ཁྱེད་རྣམས་ལའང་སངས་རྒྱས་ཀྱི་ཁམས་ཡོད
142a4 དེ|་བདག་ཅག་ཀུན་ཀྱང་སངས་རྒྱས་སུ་འགྱུར་ཞིང་དེ་བཞིན་གཤེགས་པའི་ས་ཐོབ་པར་འགྱུར་རོ། །ཉོན་མོངས་པའི་རྣམ་པ་རྣམས་ཟད་པར་བྱའོ། །སྙམ་དུ་སེམས་པ་དེ་ལྟ་བུ་ནི།
142a5 དམ་པའི་ཆོས་ཀྱི་རྟོག་པའི་སྒོ་ནས་བྱང་ཆུབ་སེམས་དཔའ་ཡིན་ཏེ། མིའི་ཆོས་ལས་བླ་མར་འགྱུར་བའི་ཉེས་པ་བྱུང་བ་མ་ཡིན་ནོ། །ཞེས་ང་ཟེར་རོ། །ཉེས་བྱས་ཀྱི་ཉེས་པ་བྱུང་བས
142a6 ཀྱང་སུམ་ཅུ་རྩ་གསུམ་པའི་ལྷ་རྣམས་ཀྱི་ལོ་གྲངས་པས་ཀྱང་ལྷག་པར་ལོ་བརྒྱད་ཁྲིའི་བར་དུ་སེམས་ཅན་དམྱལ་བར་འཚེད་པར་འགྱུར་ན། ཉེས་པ་སྤོམ་པོ་ལྟ་ཅི་སྨོས་ཏེ། ཐེག་པ
142a7 ཆེན་པོ་འདི་ལ་ནི། ཉེས་པ་སྤོམ་པོའི་ཉེས་པ་བྱུང་བ་དང་བསྟེན་པར་མི་བྱའོ། །ཉེས་པ་སྤོམ་པོ་ཞེས་བྱ་བ་ནི། བཅོམ་ལྡན་འདས་ཀྱི་མཆོད་རྟེན་བསྲུང་བའི་ཕྱིར་གཞན་ཡོངས་སུ
iiif viewer powered by OpenSeadragon
