| e-texts navigator |
| Wylie |
141b1 དང་། འགྲོས་རྣམས་འཆོས་པར་བྱེད་ཅིང་། ཆོས་གོས་དང་། སྣམ་སྦྱར་དང་། ལྷུང་བཟེད་རྣམས་འཆང་ལ། མལ་ཆ་དང་། སྟན་གསར་པའི་སྟེང་ན་འདུག་པ་དང་། སྐྱེ་བོ་དག་གིས་བདག
141b2 དགེ་སློང་བཟང་པོ་དགེ་སློང་དཀའ་ཐུབ་ཅན་ཡིན་ནོ། །ཞེས་བརྗོད་པར་འགྱུར་བར་བྱའོ། །འོན་ཀྱང་བདག་འཁོར་དང་སློབ་མ་དག་དང་ལྡན་པར་འགྱུར་རོ། །དེ་ནས་སྡེ་ཚན་བཅས་དང
141b3 བཟའ་བ་དང་། བཅས་པ་དང་། བལྡག་པ་དང་། བཏུང་བའི་ཡོ་བྱད་རྣམས་རྙེད་པར་འགྱུར་རོ། །བུད་མེད་རྣམས་ཀྱིས་ཀྱང་བཀུར་བར་འགྱུར་རོ། །སྙམ་པའི་སེམས་ཀྱི་རྟོག་པས་ནང་མི་དང
141b4 གཡོག་འཁོར་རྣམས་ལ་ཤེས་པར་བྱེད་དེ། དེ་ལྟ་བུར་འཆབ་པའི་དགེ་སློང་ངམ། དགེ་སློང་མ་ནི། མིའི་ཆོས་ལས་བླ་མར་གྱུར་པའི་ཉེས་པ་བྱུང་བ་ཡིན་ནོ། །ཞེས་ང་ཟེར་རོ། །གཞན
141b5 ཡང་འདི་ན་དགེ་སློང་ལ་ལ་དམ་པའི་ཆོས་དབྱུང་བར་བྱའོ། །སྙམ་པའི་སེམས་ཀྱིས་མལ་ཆ་དང་སྟན་གསར་པ་ལ་འདུག་ཅིང་། སྐྱེ་བོ་ཐམས་ཅད་ཀྱིས་ཀྱེ་མ་དགེ་སློང་འདི་ནི། དགེ་བ
141b6 བཟང་པོ་ཞིག་གོ། །སྙམ་དུ་བདག་དགྲ་བཅོམ་པ་མ་ཡིན་པར་དགྲ་བཅོམ་པ་དང་འདྲ་བར་ཤེས་པར་བྱའོ། །བདག་དེ་ལྟ་བུ་ཡིན་པར་ཤེས་པ་དང་། དགེ་སློང་མང་པོ་དག་བདག་གི་འཁོར
141b7 དུ་འགྱུར་ལ་འདི་ལས་ཕྱི་རོལ་པ་དག་ཀྱང་དགེ་བསྙེན་དུ་འགྱུར་རོ། །ཚུལ་ཁྲིམས་འཆལ་བ་རྣམས་ཀྱང་ཞུམ་པར་འགྱུར་རོ། །དེ་ནས་བདག་གིས་དམ་པའི་ཆོས་ཀྱང་དབྱུང་བར་བྱའོ། །
iiif viewer powered by OpenSeadragon
