| e-texts navigator |
| Wylie |
138a1 ཞེས་ང་ཟེར་རོ། །དེ་ལྟར་བསྟོད་དུ་ཟིན་ཀྱང་རང་གི་དད་པའི་སེམས་དང་བས་ན་སངས་རྒྱས་ཀྱི་གསུང་རབ་དང་མཐུན་པར་བྱེད་པའི་དགེ་སློང་ལ་ནི། ཉེས་པ་ཅུང
138a2 ཟད་ཀྱང་མེད་དོ། །ཞེས་ཟེར་རོ། །གཞན་ཡང་འདི་ན་དགེ་སློང་ལ་ལ་དེ་བཞིན་གཤེགས་པའི་སྙིང་པོའི་མདོ་སྡེ་ཆེན་པོ་སྟོན་པར་བྱེད་དོ། །སེམས་ཅན་ཐམས་ཅད་ལ་ནི། སངས
138a3 རྒྱས་ཀྱི་ཁམས་ཡོད་ལ་ཁམས་དེ་རང་རང་གི་ལུས་ལ་ཚང་སྟེ། སེམས་ཅན་རྣམས་ཀྱིས་ཉོན་མོངས་པའི་རྣམ་པ་ཟད་པར་བྱས་ནས་སངས་རྒྱས་སུ་འགྱུར་ཏེ། འདོད་ཆེན་པ་ནི། མ
138a4 གཏོགས་སོ། །དེ་ལ་རྒྱལ་པོའམ་རྒྱལ་པོའི་བློན་པོ་འགའ་ཞིག་འདི་སྐད་ཅེས་ཟེར་ཏེ། དགེ་སློང་ཁྱོད་སངས་རྒྱས་སུ་འགྱུར་རམ་མི་འགྱུར། སངས་རྒྱས་ཀྱི་ཁམས་ཁྱོད་ལ་ཡོད
138a5 དམ་མེད་ཅེས་ཟེར་བ་ལ། དགེ་སློང་དེ་ན་རེ། ཚེ་དང་ལྡན་པ། བདག་སངས་རྒྱས་སུ་འགྱུར་རམ་མི་འགྱུར་བ་ལྟ་སུས་ཤེས་མོད་ཀྱི། འོན་ཀྱང་བདག་གི་ལུས་ལ་སངས་རྒྱས་ཀྱི
138a6 ཁམས་ནི། ཡོད་དོ། །ཞེས་ཟེར་རོ། །དེ་ནས་དེས་དགེ་སློང་དེ་ལ་སྨྲས་པ། དགེ་སློང་ཁྱོད་འདོད་ཆེན་པ་ཁོ་ན་མ་ཡིན་ན། བདག་ནི། སངས་རྒྱས་སུ་འགྱུར་རོ། །སྙམ་དུ་སོམས་ཤིག་།
138a7 དེ་ནས་དགེ་སློང་དེས་དེ་ལ་སྨྲས་པ། ཚེ་དང་ལྡན་པ། ཆོས་དེ་ནི། བདག་གི་ལུས་ལ་གོར་མ་ཆག་པར་ཡོད་དོ། །ཞེས་གལ་ཏེ་དེ་སྐད་ཟེར་ན། དགེ་སློང་དེ་ལ་མིའི་ཆོས་ལས་བླ་མར
iiif viewer powered by OpenSeadragon
