| e-texts navigator |
| Wylie |
137b1 ཐོབ་པ་ཡིན་པར་སེམས་ཏེ། ཚིགས་སུ་བཅད་པའི་ཚུལ་སྦྱར་བའི་ཐབས་སྣ་ཚོགས་ཀྱིས་བསྟོད་པར་བྱེད་ཅིང་བཙུན་པ་འདི་ནི། ལུས་དང་བྲལ་ཏེ་ཤི་བའི་འོག་ཏུ་སངས་རྒྱས་སུ་འགྱུར་རོ། །
137b2 ཞེས་ཟེར་བ་དགེ་སློང་དེས་དེ་དག་ལས་མངོན་སུམ་དུ་ཐོས་ནས་འདི་སྐད་ཅེས་ཟེར་ཏེ། འབྲས་བུ་མ་ཐོབ་པའི་གང་ཟག་ལ་འབྲས་བུ་ཐོབ་པ་བཞིན་དུ་བསྟོད་པར་མ་བྱེད་ཅིག་།ཆེ་འདོད་པ
137b3 ནི|་སངས་རྒྱས་ཀྱིས་སྨད་དོ། །ཅང་མི་སྨྲ་བ་ནི། སངས་རྒྱས་ཀྱིས་བསྔགས་སོ། །བདག་ནི། ཇི་སྲིད་འཚོའི་བར་དུའང་ཆོས་འདི་ལྟ་བུ་ལ་དགའ་བ་མ་ཡིན་གྱི། འདི་ལྟར་བདག་ཆེ་འདོད
137b4 པ་ལ་གཞག་པར་མ་བྱེད་ཅིག་། བདག་ནི། འབྲས་བུ་ཐོབ་པ་མ་ཡིན་པར་བདག་ཉིད་ཀྱིས་ཤེས་སོ། །ཞེས་ཟེར་བ་དང་། རྒྱལ་པོ་ཤེས་རབ་ཅན་གྱིས་བཙུན་པ་འདི་ནི། འབྲས་བུ་ཐོབ
137b5 པ་སྟེ། སངས་རྒྱས་ཡིན་ནོ། །སྙམ་ནས་འཇིག་རྟེན་ཐམས་ཅད་དུ་མཁས་པ་རྣམས་ཀྱི་ནང་དུ་སྒྲོག་པར་བྱེད་ཅིང་བཙུན་མོའི་འཁོར་དང་སྲས་རྣམས་ལའང་སྙན་དངགས་བཞིན་དུ་མདོ་རྣམས
137b6 སློབ་ཏུ་འཇུག་སྟེ། དེ་ལྟར་བྱས་ནའང་བསྟོད་པར་བྱེད་པའི་རྒྱལ་པོ་དང་། བློན་པོ་རྣམས་ལ་བསོད་ནམས་མང་དུ་འཕེལ་བར་འགྱུར་རོ། །དགེ་སློང་དེ་ནི། ཚངས་པར་སྤྱོད་པ་ཚུལ་ཁྲིམས
137b7 དང་ལྡན་པ་ཙམ་དུ་ཟད་དེ། དགེ་སློང་དེའང་ཕམ་པ་བྱུང་བ་མ་ཡིན་ནོ། །ཞེས་ང་ཟེར་རོ། །མིའི་ཆོས་ལས་བླ་མར་གྱུར་པ་བྱེད་པའང་མ་ཡིན་ཏེ། ཚུལ་ཁྲིམས་དང་ལྡན་པ་འདོད་པ་ཉུང་བ
iiif viewer powered by OpenSeadragon
