| e-texts navigator |
| Wylie |
136b1 རྣམ་པ་སྣ་ཚོགས་ཀྱིས་བསྟན་ཏོ། །ངེད་ཀྱི་འདུས་བ་ལ་བསླབ་པའི་གཞི་གང་དང་གང་མེད་པ་དེ་དང་དེ་དག་ནི། བཅོམ་ལྡན་འདས་ཀྱིས་མ་གསུངས་སོ། །ཞེས་དེ་སྐད་ཟེར་བ་གང་ཡིན་པ
136b2 དེ་དང་དེ་དག་ལ་ནི། ཉེས་པ་འབྱུང་བར་འགྱུར་རོ། །གང་དག་བདག་ཅག་གིས་གཟུང་བས་མི་ལང་སྟེ། ཆོག་ཤེས་པ་དང་། ཡོ་བྱད་བསྙུངས་པ་ལྷུར་ལེན་པ་དང་། སངས་རྒྱས་ཀྱིས་གསུངས
136b3 པ་ཡིན་པར་འོས་པ་གང་དང་། གང་ཡིན་པ་དེ་དང་། དེ་དག་ནི། སེམས་ཅན་ཐམས་ཅད་ལ་ཕན་པ་དང་། ཐུགས་བརྩེ་བའི་ཕྱིར་ཐེག་པ་ཆེན་པོའི་ཚུལ་དུ་གསུངས་པས་ན། བདག་ཅག
136b4 གིས་ཀྱང་ཤིན་ཏུ་རྒྱས་པ་ཞེས་བྱ་བ་བཤད་པར་བྱའོ། །ཞེས་ད་ལྟར་དམ་འཆའ་བར་བྱེད་པ་གང་ཡིན་པ་དེ་དག་གི་སྟོན་པ་ནི། ང་ཡིན་གྱི། དེ་མ་ཡིན་པ་རྣམས་ཀྱི་སྟོན་པ་ནི། ང་མ་ཡིན
136b5 ནོ|་|དེ་དག་ནི། ངའི་ཕྱིར་རབ་ཏུ་བྱུང་བ་མ་ཡིན་ཏེ། དེ་དག་ཐམས་ཅད་ནི། མུ་སྟེགས་པའི་བུ་ཡིན་ནོ། །ཞེས་ཟེར་བ་དེ་ལྟ་བུ་སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ
136b6 ཡིན་པར་རིག་པར་བྱའོ། །ཞེས་དེ་སྐད་སྨྲོས་ཤིག་བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི། བདུད་དང་མཐུན་པར་བྱེད་པ་ཡིན
136b7 པར་རིག་པར་བྱའོ། །སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཚད་མར་བྱེད་པ་གང་ཡིན་པ་དེ་དག་ནི། བྱང་ཆུབ་སེམས་དཔའ་ཡིན་པར་རིག་པར་བྱའོ། །དེ་བཞིན་གཤེགས
iiif viewer powered by OpenSeadragon
