| e-texts navigator |
| Wylie |
135b1 ཡིན་པར་རིག་པར་བྱའོ། །བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དག་ནི། བདུད་དང་མཐུན་པར་བྱེད་པ་ཡིན་པར་རིག་པར་བྱའོ། །སངས
135b2 རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཚད་མར་བྱེད་པ་གང་ཡིན་པ་དེ་དག་ནི། བྱང་ཆུབ་སེམས་དཔའ་ཡིན་པར་རིག་པར་བྱའོ། །འདི་ལྟར་ངེད་ཀྱི་འདུལ་བ་ལས་ནི། སྡིག་པ
135b3 དང་། ཉེས་བྱས་དང་། ཉེས་པ་ཡང་བ་དང་། ལྕི་བ་དང་། ཉེས་པ་སྦོམ་པོ་དག་རང་བཞིན་གྱིས་སྤང་བར་བྱ་བ་ཡིན་པའི་ཕྱིར་སྤང་བར་བཅོམ་ལྡན་འདས་ཀྱི་གསུངས་ཏེ། དེ་ལྟ་བུ་ནི།
135b4 ངེད་ཀྱི་འདུལ་བ་དང་མཐུན་པ་ཡིན་གྱི། ཁྱེད་ཀྱི་འདུལ་བ་དང་མཐུན་པ་མ་ཡིན་ནོ། །ཅིའི་ཕྱིར་བདག་ཅག་ཉིད་ཀྱི་འདུལ་བ་ལས་འགལ་བར་བྱས་ཏེ་ཁྱེད་ཀྱི་འདུལ་བ་བླང་བར་བྱ།
135b5 ཁྱེད་ཀྱི་འདུལ་བ་ནི། རང་བཟོ་བྱས་པ་ཡིན་ལ། ངེད་ཀྱི་འདུལ་བ་ནི། བཅོམ་ལྡན་འདས་ཀྱིས་གསུངས་པ་ཡིན་ནོ། །བཅོམ་ལྡན་འདས་ཀྱིས་ནི། གསུང་རབ
135b6 ཡན་ལག་དགུ་ལས་ཕྱག་རྒྱ་དགུ་མཛད་ཅེས་གྲག་སྟེ། བཅོམ་ལྡན་འདས་ཀྱིས་ཕྱག་རྒྱ་དགུ་པོ་དང་དེ་རྣམས་ཀྱིས་ཕྱག་རྒྱས་བཏབ་བོ། །བདག་ཅག་གིས་ནི། ཤིན་ཏུ་རྒྱས་པ་ཞེས་བྱ་བའི
135b7 སྒྲ་ཚིག་དང་། ཡི་གེ་དང་། ཐིག་ལེ་གཅིག་ཀྱང་སྔོན་མ་ཐོས་སོ། །བཅོམ་ལྡན་འདས་ཀྱིས་མདོ་སྡེ་དུ་ཞིག་གསུངས། མདོ་སྡེ་བཅུ་ཞིག་གསུངས་སམ། བདག་ཅག་གི་གསུང་རབ
iiif viewer powered by OpenSeadragon
