| e-texts navigator |
| Wylie |
130b1 ཉིད་ཀྱི་སྲས་རྣམས་ཉོན་མོངས་པར་མི་འགྱུར་བར་མཛད་པའི་ཕྱིར་བྲན་དང་བྲན་མོ་ལ་སོགས་པ་དང་། གཡོས་སུ་བྱས་པ་རྣམ་པ་དུ་མ་གནང་བའི་བསླབ་པའི་གཞི་གསུངས་ཏེ། བྲན
130b2 དང་བྲན་མོ་ལ་སོགས་པ་དང་། གསེར་དང་། དངུལ་དང་། བ་ལང་དང་། མ་ཧེ་དང་། འབྲུ་རྣམས་བསྡུ་བ་དང་། ཉོ་ཚོང་དང་། ཞིང་རྨོ་བ་ལ་སོགས་པ་ངས་གནང་ངོ་། །ཞེས་གསུངས་སོ། །ཞེས
130b3 བྱ་བ་དེ་དག་ནི། ཡི་གེ་ཞེས་བྱ་སྟེ། དེ་ལྟ་བུའི་མདོ་སྡེ་དང་། འདུལ་བ་ནི། ཚད་མ་མ་ཡིན་ནོ། །དེ་བས་ན། ཡི་གེ་འདོན་པའི་གང་ཟག་དེ་དག་ཀྱང་ཚད་མ་མ་ཡིན་ཏེ། དེའི་ཕྱིར་དགེ་སློང
130b4 དག་། ཁྱོད་ཀྱི་རྟེན་ནི། དོན་ཡིན་ནོ། །ཞེས་གསུངས་སོ། །དོན་མེད་པ་ཞེས་བྱ་བ་ནི། གཞི་གསུམ་ལ་འཇིག་པ་དང་། ལྟུང་བ་དང་། རྣམ་པར་འཐོར་བ་དང་། རྣམ་པར་འཇིག་པ་ལ་སོགས
130b5 པའི་མི་རྟག་པ་ཉིད་ཡོད་པར་ལྟ་བ་སྟེ། འདི་ནི། དོན་མེད་པ་ཞེས་བྱའོ། །འདི་ནི། ཡི་གེ་ཞེས་བྱའོ། །དེ་བས་ན། དགེ་སློང་དག་།ཁྱེད་ཀྱི་རྟེན་ནི། དོན་ཡིན་གྱི། ཡི་གེ་མ་ཡིན་ནོ། །ཞེས
130b6 གསུངས་སོ། །དོན་གྱི་ཕྱོགས་ནི། ཐེག་པ་ཆེན་པོ་པ་རྣམས་ཡིན་ཏེ། དེ་བས་ན། ཐེག་པ་ཆེན་པོ་པ་རྣམས་ཆད་མ་ཡིན་གྱི། འདི་ལས་ཕྱི་རོལ་པ་ཡི་གེ་ལ་རྟོན་པ་རྣམས་ནི། དེ་ལྟ་མ
130b7 ཡིན་ཏེ། དེ་བས་ན། དེ་དག་ནི། རྟེན་མ་ཡིན་མོད་ཀྱི། ཤའི་མིག་དང་ལྡན་པ་རྣམས་ཀྱི་ཕྱིར་བཞག་པ་ཡིན་ནོ། །གསོལ་པ། སྔར་བཀའ་སྩལ་པའི་གང་ཟག་བཞི་པོ་རྣམས་རྟེན་དུ་གྱུར
iiif viewer powered by OpenSeadragon
