| e-texts navigator |
| Wylie |
130a1 གདུང་གི་ཕྱིར་འཇིག་རྟེན་ན་མཆོད་རྟེན་འབྱུང་བ་ཡོད་ཀྱི། ཆོས་ཀྱི་སྐུ་ནི། འབྱུང་བ་མེད་དོ། །དེ་བཞིན་གཤེགས་པ་ཤའི་སྐུའོ། །ཞེས་བྱ་བ་ནི། རྣམ་པར་ཤེས་པ
130a2 བརྟག་པ་ལས་བསྟན་ཏེ། རྣམ་པར་ཤེས་པ་ནི། ཚད་མ་མ་ཡིན་ནོ། །དེ་བས་ན་རྣམ་པར་ཤེས་པ་ཚད་མ་མ་ཡིན་ཞེས་བྱའོ། །སེམས་ཅན་གང་དག་དེ་ལྟར་རྟོག་པ་དེ་དག་ཀྱང་ཚད
130a3 མ་མ་ཡིན་ནོ། །དེ་ལྟ་བུའི་མདོ་སྡེ་རྣམས་ཀྱང་ཚད་མ་མ་ཡིན་ནོ། །དགེ་སློང་དག་།ཁྱེད་ཀྱི་རྟེན་ནི། དོན་ཡིན་ནོ། །ཞེས་བྱ་བ་ལ། དོན་ཞེས་བྱ་བ་ནི། གསལ་བའི་དོན་ཏོ། །གསལ
130a4 བའི་དོན་ཞེས་བྱ་བ་ནི། སྣང་བའི་དོན་ཏོ། །སྣང་བའི་དོན་ཞེས་བྱ་བ་ནི། ཞན་པ་མ་ཡིན་པའི་དོན་ཏོ། །ཞན་པ་མ་ཡིན་པའི་དོན་ཞེས་བྱ་བ་ནི། དེ་བཞིན་གཤེགས་པ་རྟག་ཅེས་བྱ
130a5 བའི་ཕྱིར་རོ། །དེ་བཞིན་གཤེགས་པ་རྟག་པའི་དོན་ཞེས་བྱ་བ་ནི། ཆོས་རྟག་པའི་དོན་ཏོ། །ཆོས་རྟག་པའི་དོན་ཞེས་བྱ་བ་ནི། དགེ་འདུན་རྟག་པའི་དོན་ཏོ། དོན་ནི། དེ་ཡིན་ནོ། །རྟེན
130a6 ནི|་དེ་ཡིན་ནོ། །ཡི་གེ་མ་ཡིན་ནོ། །ཞེས་བྱ་བ་ནི། ཆོག་མི་ཤེས་པ་དང་། ཡོ་བྱད་མ་བསྙུངས་པ་དང་། འདོད་ཆེན་དང་། ཚུལ་འཆོས་པ་དང་། ཁ་གསག་བྱེད་པར་འགྱུར་བའི་རང
130a7 བཟོའི་ཡི་གེ་དང་། ཚིག་སྣ་ཚོགས་སངས་རྒྱས་ཀྱིས་གསུངས་པ་མ་ཡིན་པའི་མདོ་སྡེ་རྣམས་ཡིན་ཏེ། བཅོམ་ལྡན་འདས་ཀྱིས་བདག་ཅག་ལ་ཐུགས་བརྩེ་ནས་མུ་གེ་བྱུང་བའི་ཚེ
iiif viewer powered by OpenSeadragon
