| e-texts navigator |
| Wylie |
129b1 བྱང་ཆུབ་སེམས་དཔའ་རྣམས་ཀྱི་ཚིག་ནི། ཚད་མ་ཡིན་གྱི། དྲང་བའི་དོན་ནི། དེ་ལྟ་མ་ཡིན་ནོ། །དེ་བཞིན་གཤེགས་པ་ནི། ཤའི་སྐུ་ཡིན་ཏེ། བུད་ཤིང་ཟད་པའི་མེ་བཞིན་དུ་ཡོངས་སུ་མྱ
129b2 ངན་ལས་འདས་སོ། །ཞེས་བྱ་བ་འདི་ནི། ཉན་ཐོས་ཀྱི་ཐེག་པ་ཡིན་ཏེ་ཚད་མ་མ་ཡིན་ནོ། །མདོ་སྡེ་དེ་དག་ནི། གདུལ་བར་བྱ་བའི་དབང་གིས་གསུངས་པ་ཡིན་ཏེ། ཉན་ཐོས་ཀྱི་ཐེག་པ་ནི།
129b3 ཡི་གེའི་ཕྱེད་སྦྱར་བ་དང་འདྲ་ཞིང་བྱེ་བྲག་ཏུ་འབྱེད་པ་ཡིན་ཏེ། སློབ་དཔོན་བྱེད་པ་མ་ཡིན་ནོ། །ཉན་ཐོས་ཀྱི་ཐེག་པ་པ་རྣམས་ནི། དྲང་བའི་དོན་རྣམས་ཀྱི་གྲངས་སུ་གཏོགས་སོ། །ཡེ་ཤེས
129b4 ལས་གསུངས་པའི་དེ་བཞིན་གཤེགས་པའི་ཆེ་བ་ཉིད་ཁོང་དུ་མ་ཆུད་པའི་ཤེས་པ་གང་ཡིན་པ་དེ་ནི། ཉན་ཐོས་ཀྱི་ཐེག་པ་ཡིན་ཏེ། དེ་བས་ན། དྲང་བའི་དོན་ནི། ཚད་མ་མ་ཡིན་ནོ། །གང
129b5 ཟག་བཞི་པོ་དེ་དག་ཚད་མ་མ་ཡིན་ཏེ། ངེས་པའི་དོན་ཡིན་གྱི། དྲང་བའི་དོན་མ་ཡིན་ནོ། །དེ་བས་ན། དེ་དག་ནི། རྟེན་དུ་གྱུར་པ་དང་། ངེས་པའི་དོན་ཡིན་ནོ། །དགེ་སློང་དག་།ཁྱེད་ཀྱི་རྟེན་ནི
129b6 ཡེ་ཤེས་ཡིན་ནོ། །ཞེས་བྱ་བ་ནི། དེ་བཞིན་གཤེགས་པའི་ཚིག་བླ་དྭགས་སོ། །ཆོས་ཀྱི་སྐུ་གང་ཡིན་པ་དེ་ནི། ཚད་མ་མ་ཡིན་ནོ། །ཐབས་ཀྱི་སྐུ་གང་ཡིན་པ་དེ་ནི། ཚད་མ་མ་ཡིན་ནོ། །ཐབས
129b7 ཀྱི་སྐུ་ལ་བལྟས་ན། དེ་བཞིན་གཤེགས་པའི་སྐུ་ལ་ཕུང་པོ་དང་། ཁམས་དང་། སྐྱེ་མཆེད་རྣམས་ཇི་ལྟར་ཡོད། གལ་ཏེ་མེད་ནའང་སྐུ་གདུང་གི་ཕུང་པོ་ག་ལས་འོངས། དེ་བས་ན། སྐུ
iiif viewer powered by OpenSeadragon
