| e-texts navigator |
| Wylie |
129a1 ནོ|་|ཞེས་ང་ཟེར་ན། བཞི་པོ་དེ་དག་ལྟ་རྟེན་ཅི་སྟེ་མ་ཡིན། དགེ་སློང་དག་།ཁྱེད་ཀྱི་རྟེན་ནི། ཆོས་ཉིད་ཡིན་ཏེ། ཉན་ཐོས་རྣམས་ཀྱི་མངོན་པར་ཤེས་པ་ཞེས་བྱ
129a2 བའི་དོན་དང་། ཆོས་ཉིད་མ་བརྗེད་པར་གྱིས་ཤིག་ཅེས་བྱ་བའི་དོན་ཏོ། །ཆོས་ཉིད་ཅེས་བྱ་བ་ནི། དེ་བཞིན་གཤེགས་པ་རྟག་གོ་།ཞེས་བྱ་བ་ལ་བརྩོན་པར་བྱ་བ་ཡིན་གྱི་གང་ཟག་ལ
129a3 བརྩོན་པ་མ་ཡིན་ཏེ། གལ་ཏེ་གང་ཟག་ཚུལ་ཁྲིམས་འཆལ་ལ་ཟང་ཟིང་ལ་བརྐམ་པ་རྣམས་དེ་བཞིན་གཤེགས་པ་མི་རྟག་གོ་།ཞེས་ཟེར་ན། གང་ཟག་དེ་དག་ནི། ཚད་མ་མ་ཡིན་ནོ། །
129a4 ཞེས་བྱ་བའི་དོན་ཏོ། །དགེ་སློང་དག་།ཁྱེད་ཀྱི་རྟེན་ནི། ངེས་པའི་དོན་ཡིན་གྱི། དྲང་བའི་དོན་མ་ཡིན་ནོ། །ཞེས་བྱ་བ་ལ། ངེས་པའི་དོན་ཞེས་བྱ་བ་ནི། ཐེག་པ་ཆེན་པོ་རྣམས་ཡིན་ཏེ།
129a5 དགོངས་པའི་ཚིག་དེ་བཞིན་གཤེགས་པའི་གསང་བ་ཐོས་ན། ཐེ་ཚོམ་གྱི་ཉེས་པ་མེད་པའི་ཕྱིར་ངེས་པ་ཞེས་བྱ་སྟེ། ཡེ་ཤེས་ཀྱི་རྒྱ་མཚོ་ཆེན་པོ་ལས་བརྒལ་ཞིང་དེ་ལས་བྱུང་ཞེས
129a6 བྱ་བའི་དོན་ཏོ། །ངེས་པའི་ཡེ་ཤེས་ཐེག་པ་ཆེན་པོ་ཞེས་བྱ་བ་ནི། ཐོགས་པ་མེད་པའི་ཡེ་ཤེས་ལ་བྱའོ། །ཐོགས་པའི་ཡེ་ཤེས་ནི། ཉན་ཐོས་ཀྱི་ཐེག་པའོ། །ངེས་པའི་ཡེ་ཤེས་ནི།
129a7 ཡེ་ཤེས་ཆེན་པོ་དང་ཐེག་པ་ཆེན་པོ་ཞེས་བྱ་སྟེ། བྱང་ཆུབ་སེམས་དཔའ་གང་དག་དེ་བཞིན་གཤེགས་པ་རྟག་པར་ཡང་དག་པར་ཁོང་དུ་ཆུད་པ་དེ་དག་ངེས་པར་བྱེད་པས་ན། དེའི་ཕྱིར
iiif viewer powered by OpenSeadragon
