| e-texts navigator |
| Wylie |
125a1 རྫོགས་པར་རུང་ངམ། འོན་ཏེ་མི་རུང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། དེ་སྐད་མ་ཟེར་ཅིག་།དེ་ཉིད་དེ་དག་གི་བསྙེན་པར་རྫོགས
125a2 པ་ཡིན་ཏེ། དེ་དག་གི་ཉེས་པ་གང་དང་། གང་བཤགས་པ་དེ་དག་ནི། བཤགས་བཟོད་པ་ཡིན་ནོ། །རིགས་ཀྱི་བུ། དཔེར་ན། རྫིང་རྙིང་པ་རལ་པའི་ཆུ་ནི། ཐམས་ཅད་ཟག་པར་འགྱུར
125a3 རོ|་|དེ་ཅིའི་ཕྱིར་ཞེ་ན། སྐྱེ་བོ་ཆོས་བཞིན་དུ་བྱེད་པ་རྣམས་ནི། འགྲིབ། སྐྱེ་བོ་ཆོས་བཞིན་དུ་མི་བྱེད་པ་རྣམས་ནི། འཕེལ་བའི་ཕྱིར་རོ། །གལ་ཏེ་རྫིང་དེ་ལ་ལ་ཞིག་གིས་ཕྱིར་བཅོས
125a4 ན་ནི། དེས་དེའི་ནང་ནས་ཆུ་འཛག་པར་མི་འགྱུར་བ་དེ་བཞིན་དུ་བྱང་ཆུབ་སེམས་དཔའ་ཡང་དགེ་སློང་ཚུལ་ཁྲིམས་དང་ལྡན་པ་རྣམས་མེད་པའི་ཕྱིར་དང་། དགེ་འདུན་གྱི་སྒྲུབ་པ་ཉམས
125a5 པའི་ཕྱིར་དང་། ཐེག་པ་ལ་གཡེལ་བ་ཡོངས་སུ་འཕེལ་བའི་ཕྱིར་གཡེལ་བ་རྣམས་དང་ལྷན་ཅིག་ཏུ་བསྙེན་པར་རྫོགས་པ་དང་། སྐབས་འབྱེད་པ་དང་། གསོ་སྦྱོང་དང་། ཐལ་མོ
125a6 སྦྱར་བས་འདུད་པའི་ལས་བྱེད་པས་རྫིང་ཟགས་པ་བཞིན་དུ་ཚུལ་ཁྲིམས་དང་། ཆོ་ག་ཟགས་པར་འགྱུར་མོད་ཀྱི། རིགས་ཀྱི་བུ། བྱང་ཆུབ་སེམས་དཔའ་དམ་པའི་ཆོས་འབྱིན་པར
125a7 འདོད་པ་དང་། ཚུལ་ཁྲིམས་དང་ལྡན་པའི་མི་ནི། རྫིང་བཅོས་པ་བཞིན་དུ་དེ་ཉིད་བསྙེན་པར་རྫོགས་པ་ཡིན་ཏེ། དྲི་མ་མེད་པ་དང་། བཤགས་པས་བདག་ཉིད་དག་པར་བྱས་ནས
iiif viewer powered by OpenSeadragon
