| e-texts navigator |
| Wylie |
124b1 ཆེན་པོ་གང་ཡིན་པ་དེའི་ཆེད་དུ་ཚིགས་སུ་བཅད་པ་དེ་དག་གསུངས་པ་ཡིན་ཏེ། དེ་ལྟར་བྱེད་པ་ལ་ནི། དམ་པའི་ཆོས་འབྱིན་པའི་ཕྱིར་བྲམ་ཟེ་དང་། ཁྱིམ་བདག་རྣམས་མགུ་བར་འགྱུར་ཏེ།
124b2 བྲམ་ཟེ་ཡིན་བཞིན་དུ་འདིས་རྒྱལ་སྲིད་དང་། དམ་པའི་ཆོས་བཙུགས་སོ། །སྙམ་ནས་དེ་ལ་མཆོད་པ་བྱེད་དོ། །གང་དེ་ལྟར་སྟོན་པ་དེ་ནི། བྱང་ཆུབ་སེམས་དཔའ་ཁོ་ན་ཡིན་ཏེ། ཐབས
124b3 དང་སྦྱར་ཞིང་བྱེད་པས་ན། དེ་ལ་ཉེས་པ་བསྐྱེད་པར་མི་བྱའོ། །དེ་ལ་ཉེས་པ་བསྐྱེད་ན། ཕྱིར་ཉེས་པ་ཐོབ་པར་འགྱུར་ཏེ། བཤགས་པར་འོས་པའི་ཉེས་པ་ལྟ་བུར་འགྱུར་ལ་ང་རྒྱལ་གྱི
124b4 དབང་གིས་འཆགས་པར་ཡང་མི་བྱེད་དོ། །བྱང་ཆུབ་སེམས་དཔའ་སློབ་དཔོན་དེ་ནི། མཆོག་ཏུ་གཡེལ་བ་ལྟ་བུར་སྟོན་ཀྱང་ཉེས་པར་མི་འགྱུར་ཏ། དགོངས་པའི་ཚིག་འདི་ནི། བྱང་ཆུབ
124b5 སེམས་དཔའི་ཆེད་དུ་བསྟན་ཏོ། །རྒན་ནམ་ཡང་ན་གཞོན་ཡང་རུང་། །གང་ལས་ཆོས་ནི་རྟོགས་འགྱུར་བ། །བྲམ་ཟེ་སྲེག་སྦྱིན་མེ་བཞིན་དུ། །དེ་ལ་བཀུར་སྟིས་ཕྱག་ཀྱང་བྱ། །རྫོགས
124b6 སངས་རྒྱས་ཀྱིས་བསྟན་པ་ཡི། །ཆོས་ནི་གང་ལས་རྟོགས་འགྱུར་བ། །དབང་ཆེན་ལྷ་ལ་བྱ་བ་བཞིན། །དེ་ལ་བཀུར་སྟིས་ཕྱག་ཀྱང་བྱ། །ཞེས་བྱ་བ་ནི། ཉན་ཐོས་རྣམས་ཀྱི་ཆེད་དུ་བསྟན
124b7 པ་མ་ཡིན་གྱི། བྱང་ཆུབ་སེམས་དཔའ་རྣམས་ཀྱི་ཆེད་དུ་བསྟན་པ་ཡིན་ནོ། །གསོལ་པ། བཅོམ་ལྡན་འདས་།ཅི་ལགས། བྱང་ཆུབ་སེམས་དཔའ་གཡེལ་བ་དེ་ལྟ་བུ་དག་བསྙེན་པར
iiif viewer powered by OpenSeadragon
