| e-texts navigator |
| Wylie |
123a1 ཕྱེད་ལོངས་སྤྱད་པར་འདོད་པ་དེས་ནི། ངའི་མདུན་ན་འདོན་གྱིས་ཤིག་ཅེས་བསྒྲགས་ཏེ། དེ་ལྟར་གྲོང་ཁྱེར་དུ་ཞག་བདུན་གྱི་བར་དུ་རྔ་བོ་ཆེ་བརྡུངས་ཀྱང་བྲམ་ཟེ
123a2 གཙང་སྦྲ་ཅན་གདོལ་པའི་བླ་མཁྱེན་བྱེད་པ་སུ་ཡོད་ཅེས་ཟེར་ནས་སུའང་མ་བཏུབ་བོ། །དེ་ནས་གདོལ་པ་དེས་བསྒོ་བ། གལ་ཏེ་སུའང་དེ་ལྟར་བྱེད་དུ་མི་བཏུབ་ན། བྲམ་ཟེ་ཐམས་ཅད
123a3 གདོལ་པའི་ཁྱིམ་དུ་གདོལ་པ་རྣམས་དང་ལྷན་ཅིག་ཏུ་ཟན་ཟོ་ཞིག་། ཉོལ་ཅིག་།གལ་ཏེ་མི་བཏུབ་ན། དེའང་ངས་ནན་གྱིས་བྱེད་དུ་གཞུག་གོ་།དེ་སྟེ་ལ་ལ་ཞིག་བཏུབ་ན་ནི། ངས་རྒྱལ
123a4 སྲིད་ཀྱི་ཕྱེད་ཀྱང་སྦྱིན་ནོ། །སུམ་ཅུ་རྩ་གསུམ་པའི་ལྷ་རྣམས་ཀྱི་བདུད་རྩི་འཐུངས་ན། ལྷར་འགྱུར་བ་ཐོབ་པར་འགྱུར་བ་འཇིག་རྟེན་ན་དཀོན་པ་གང་ཡིན་པ་དེ་ང་དང་ལྷན་ཅིག་ཏུ
123a5 འཐུངས་ལ་ལྷར་འགྱུར་བར་བྱའོ། །ཞེས་བསྒོའོ། །དེ་ནས་དེར་བྲམ་ཟེའི་གཞོན་ནུ་གཙང་སྦྲ་ཅན་ཐོར་ཚུགས་དང་ལྡན་པ། རིག་བྱེད་ཀྱི་མཐར་ཕྱིན་པ། གཞོན་ནུ་ཚངས་པར་སྤྱོད་པ
123a6 ཞིག་གིས་བསྒོ་བ་དེ་ཐོས་ནས་རང་གི་ཐོར་ཚུགས་བཤིག་སྟེ་གདོལ་པ་དེའི་ཐད་དུ་སོང་ནས་དེ་ལ་ཕྱག་བཙལ་ཏེ་སྨྲས་པ། རྒྱལ་པོའི་ཞལ་སྔ་ནས་བཀའ་ཅི་སྩལ་པ་དེ་བཞིན་དུ
123a7 བགྱིའོ། །ཞེས་བྱས་ཏེ། དེ་ནས་རྒྱལ་པོ་དེས་དེ་མདུན་ན་འདོན་དུ་དབང་བསྐུར་ཏོ། །དེ་ནས་བྲམ་ཟེ་རྣམས་ན་རེ། གདོལ་པའི་མདུན་ན་འདོན་བར་ཁས་བླངས་པ་ངན་པ་འདི་ངན་པ་འདི
iiif viewer powered by OpenSeadragon
