| e-texts navigator |
| Wylie |
120b1 ག་ཨིས་དེ་བཞིན་གཤེགས་པ་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་བ་དེའི་ཚེ་ཁྱིམ་པ་དེའང་ཆོས་གོས་བགོས་ནས་དེ་བཞིན་གཤེགས་པའི་ཉན་ཐོས་རྣམས་དང
120b2 ཐབས་ཅིག་ཏུ་གྲོང་གི་ནང་དུ་སོང་སྟེ་བཀོད་ན། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱི་གྲངས་སུ་གཏོགས་པ་དེ་བཞིན་དུ། རིགས་ཀྱི་བུ། བྱང་ཆུབ་སེམས་དཔའ་སེམས་དཔའ
120b3 ཆེན་པོ་མདོ་སྡེ་འདི་ལ་སློབ་པ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ས་བཅུ་ཐོབ་པ་རྣམས་ཀྱི་གྲངས་སུ་གཏོགས་སོ། །འདི་ལས་ཕྱི་རོལ་ཏུ་གྱུར་པ་རྫས་ཀྱིས་བྲིད་པའི་ཕྱིར་རམ
120b4 གཏམ་ཟླར་བྱ་བའི་ཕྱིར་རམ། རྙེད་པ་དང་། བཀུར་སྟི་དང་། ཚིགས་སུ་བཅད་པ་འདོད་པའི་ཕྱིར་ཐོས་པ་ཙམ་དུ་ཟད་དེ། མདོ་སྡེ་སྤོང་བར་མི་བྱེད་ན་ང་རྒྱལ་གྱི་དབང་གིས་སྤོང་བ་མ་གཏོགས
120b5 པར་སེམས་ཅན་གཞན་དེ་དག་ནི། སངས་རྒྱས་དགྲ་བཅོམ་པ་རྣམས་ཀྱི་ཡང་དག་པར་རྫོགས་པའི་བྱང་ཆུབ་གང་ཡིན་པ་དེ་རིམ་གྱིས་ཐོབ་པར་འགྱུར་རོ། །རིགས་ཀྱི་བུ། དེ་བས་ན།
120b6 སྔར་བསྟན་པའི་གང་བྲག་བཞི་པོ་རྣམས་རྟེན་དུ་གྱུར་པ་ཡིན་ཏེ། དེ་དག་ནི། སངས་རྒྱས་ཀྱིས་གསུངས་པ་མ་ཡིན་པའི་མདོ་སྡེ་ལ་སངས་རྒྱས་ཀྱིས་གསུངས་སོ། །ཞེས་སྟོན་མི་སྲིད
120b7 དེ|་སྐབས་མེད་དོ། །དེ་བས་ན། རྟེན་དུ་གྱུར་པ་ཡིན་ནོ། །གང་ཟག་བཞི་པོ་འདི་རྣམས་ཀྱི་ནང་ནས་གཅིག་ཙམ་གཞིག་འདུག་ནའང་དེ་ལ་མཆོད་པ་གྱིས་ཤིག། སྲུང་བར་གྱིས་ཤིག་།གསོལ
iiif viewer powered by OpenSeadragon
