| e-texts navigator |
| Wylie |
114a1 བཅོམ་ལྡན་འདས། ཅིའི་སླད་དུ་གང་ཟག་བཞི་པོ་རྣམས་རྟེན་དུ་གྱུར་པར་བཞག་པར་མཛད་ལགས། བདག་ནི། དེ་རྣམས་ལ་མི་ཉན་ཅིང་གློ་བ་མི་ཆེས་ལགས
114a2 སོ|་|བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། དེ་ནི། དེ་བཞིན་ཏེ། ངས་ཇི་སྐད་སྨྲས་པ་དེ་ནི། དེ་ཁོ་ན་བཞིན་ནོ། །དེ་ལྟ་མོད་ཀྱི། ངས་བདུད་ཚར་གཅད་པར་སྨྲས་པ་ནི།
114a3 བྱིས་པ་ཉན་ཐོས་ཀྱི་ཐེག་པ་པ་ཤའི་མིག་དང་ལྡན་པ་རྣམས་ཀྱི་དོན་དུ་སྨྲས་པ་ཡིན་གྱི། ཐེག་པ་ཆེན་པོ་པ་རྣམས་ཀྱི་དོན་དུ་བདུད་ཚར་བཅད་པར་སྨྲས་པ་མ་ཡིན་ནོ། །ཉན་ཐོས་ཀྱི
114a4 ཐེག་པ་པ་རྣམས་ལའང་ལྷའི་མིག་དང་ལྡན་པ་དག་ཡོད་མོད་ཀྱི། དེ་དག་ནི། ཤའི་མིག་ཅེས་བྱ་བའི་གྲངས་སུ་གཏོགས་སོ། །ཐེག་པ་ཆེན་པོ་པ་རྣམས་ལའང་ཤིང་མིག་དང་ལྡན་པ
114a5 དག་ཡོད་མོད་ཀྱི། དེ་དག་ནི། སངས་རྒྱས་ཀྱི་སྤྱན་ཞེས་བྱ་བའི་གྲངས་སུ་གཏོགས་སོ། །དེ་ཅིའི་ཕྱིར་ཞེ་ན། ཐེག་པ་ཆེན་པོ་སངས་རྒྱས་ཀྱི་ཐེག་པའི་མདོའི་དེ་ཁོ་ན་ཉིད་འཛིན་པའི་ཕྱིར
114a6 རོ|་|རིགས་ཀྱི་བུ། གཞན་ཡང་དཔེར་ན། མི་དཔའ་བོ་ཡུལ་ཕྱོགས་སུ་གྲགས་པ་སྙིང་སྟོབས་ཅན་རྟུལ་ཕོད་པ་འགའ་ཞིག་ཡོད་ལ། དེ་ལ་མི་སྔར་མ་འགའ་ཞིག་བརྟེན་ཏེ་སྔར་མ་དེ
114a7 དཔའ་བོ་དེ་ལ་དཔའ་སློབ་པ་ན་དེ་ལ་བསྒོ་བ། ཀྱེ་མི་ཁྱོད་དཔའ་བོར་འགྱུར་བར་འདོད་ན། རལ་གྲིའི་སོ་གཏམས་པའི་སྟེང་དུ་འགྲོ་བར་གྱིས་ཤིག་།གང་དང་གང་གི་ཚེ་འཐབ་པ་དེ་དང
iiif viewer powered by OpenSeadragon
