| e-texts navigator |
| Wylie |
113b1 ལྟར་དགྲ་བཅོམ་པའི་གཟུགས་ཀྱི་དགྲ་བཅོམ་པ་བཞིན་དུ་བདག་ཉིད་མ་འདུག་ཅིག་། སྡིག་ཅན། ཁྱོད་ནམ་མཁའ་ལ་ཉལ་བར་བྱེད་ཅིང་གློ་གཡོན་ཕྱོགས་ནས་མེ་འབར་བར་བྱེད་པ་དང་།
113b2 གཡས་ཕྱོགས་ནས་ཆུ་འབེབས་པ་དང་། མེ་བཞིན་དུ་འབར་ཞིང་གཟི་བྱིན་དང་ལྡན་ལ་དུད་པར་འཐུལ་དུ་ཟིན་ཀྱང་ང་ཁྱོད་ཀྱི་ཚིག་མི་ཉན་ཏོ། །ཡིད་ཆེས་པར་མི་བྱེད་དོ། །གསུང་རབ་ཡན
113b3 ལག་དགུ་ལྟ་བུ་སྟོན་དུ་ཟིན་ཀྱང་ང་དད་པར་མི་བྱེད་དོ། །ཞེས་གྱིས་ཤིག་།རིགས་ཀྱི་བུ། ཁྱེད་དེ་ལྟར་དོགས་ན། ངའང་ཚར་ཆོད་ཅིག་།རིགས་ཀྱི་བུ། དཔེར་ན། མཚན་མོ་མུན་པའི་ནང་དུ
113b4 ཁྱི་རྐུན་འོངས་པ་ཚོར་ན། ཁྱིམ་བདག་མོའམ་བྲན་མོས་དེ་ལ་འདི་སྐད་དུ་ཁྱི་རྐུན་ཁྱོད་ངས་མ་གསད་པར་སྐྱེན་པར་ཕྱིར་སོང་ཞིག་ཅེས་བྱས་ནས། ཁྱི་རྐུན་དེས་དེ་སྐད་ཐོས་པ་དང་། ཕྱིར
113b5 བརྒྱུགས་ཏེ་སོང་ལ་ཕྱིན་ཆད་ཀྱང་ཁྱིམ་དེར་མི་འོང་བ་དེ་བཞིན་དུ་ཁྱེད་ཀྱིས་བདུད་སྡིག་ཅན་ཁྱི་རྐུན་བཞིན་དུ་ཚར་ཆོད་ལ། སྡིག་ཅན། དེ་ལྟར་མ་བྱེད་པར་ངས་བཅིང་བ་རྣམ་པ་ལྔས་མ་བཅིངས
113b6 པར་སྐྱེན་པར་ཕྱིར་སོང་ཞིག་ཅེས་དེ་ལ་དེ་སྐད་གྱིས་ཤིག་དང་། དེས་དེ་སྐད་ཐོས་མ་ཐག་ཏུ་ཁྱི་རྐུན་བཞིན་དུ་ཕྱིར་ལྡོག་པར་འགྱུར་ཏེ། དེ་ལྟར་བདུད་ཚར་གཅོད་པར་བྱེད་པ་གང་ཡིན་པ་དེ་དག
113b7 ནི|་དམ་པ་ཡིན་ཏེ། མྱ་ངན་ལས་འདས་པའི་དྲུང་ཁོ་ན་འདུག་གོ་།ཞེས་བཅོམ་ལྡན་འདས་ཀྱིས་ཁྱིམ་བདག་གདངས་ཅན་ལས་གླེངས་ཏེ་བདུད་ཚར་གཅོད་པ་ན་བཀའ་སྩལ་ལགས་ན།
iiif viewer powered by OpenSeadragon
