| e-texts navigator |
| Wylie |
113a1 བདག་ཉིད་ཀྱིས་ཇི་ལྟར་ནུས་པའི་གཟུགས་དང་། ཇི་ལྟར་འདོད་པའི་གཟུགས་མངོན་པར་སྤྲུལ་པར་བྱེད་པ་དང་། གང་གི་ལུས་ཀྱིས་སངས་རྒྱས་སུ་འགྱུར་བར་འདོད་པ་དེའི
113a2 ལུས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་བར་བྱེད་དེ། ཡོན་ཏན་འདི་རྣམས་དང་ལྡན་པ་ནི། དགྲ་བཅོམ་པ་ཞེས་བྱ་སྟེ། ཡོངས
113a3 སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་ལ་གང་ཟག་བཞི་པོ་འདི་རྣམས་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བའི་ཕྱིར་འཇིག་རྟེན་དུ་འབྱུང་ངོ་། །དེ་དག་ནི། དེ
113a4 བཞིན་གཤེགས་པ་བཞིན་དུ་ལྷ་དང་། མི་རྣམས་ཀྱི་སྟོན་པ་ཡིན་ཏེ། བཞི་ཆར་ཡང་སྐྱེས་བུ་ཚད་མ་ཡིན་ནོ། །རྟེན་དུ་གྱུར་པ་ཡིན་ནོ། །གསོལ་པ། གང་ཟག་བཞི་པོ་དེ་དག་ནི། བདག
113a5 གི་ཚད་མའང་མ་ལགས། དེ་དག་ནི། རྟེན་དུ་གྱུར་པའང་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས་ཁྱིམ་བདག་གདངས་ཅན་ལས་བརྩམས་ཏེ་བདུད་ཚར་བཅད
113a6 པར་བཀའ་སྩལ་པའི་ཚེ་གལ་ཏེ་ལྷའམ་བདུད་དམ་ཚངས་པའང་རུང་སྟེ། ང་དང་འདྲ་བར་ལུས་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་བརྒྱན་པ་དང་། འོད
113a7 འདོམ་གང་དང་ལྡན་པ་དང་། བཞིན་མཛོད་སྤུས་བརྒྱན་པའི་སངས་རྒྱས་ཀྱི་སྐུའི་ཚུལ་གྱིས་འོས་སུ་ཟིན་ཀྱང་དེ་ཁྱེད་ཀྱིས་ཚར་ཆོད་ཅིག་།ཅེས་ངས་གནང་སྟེ། སྡིག་ཅན། ཁྱོད་འདི
iiif viewer powered by OpenSeadragon
