| e-texts navigator |
| Wylie |
112a1 པ་དང་། ལན་གཅིག་ཕྱིར་འོང་བའི་གྲངས་སུ་ནི། གཏོགས་མོད་ཀྱི། རྒྱུན་དུ་ཞུགས་པ་དང་། ལན་གཅིག་ཕྱིར་འོང་བ་ནི། མ་ཡིན་ནོ། །དེ་ལྟར་ས་དང་པོ་དང་།
112a2 གཉིས་པ་དང་། གསུམ་པ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། མངོན་སུམ་དུ་ལུང་བསྟན་པས་སངས་རྒྱས་ཀྱི་གནས་སུ་སངས་རྒྱས་སུ་འགྱུར་བར་ལུང
112a3 བསྟན་ཏོ། །ཕྱིར་མི་འོང་བ་ཞེས་བྱ་བ་ནི། ཆོས་དེ་ཐོབ་ནས་འབྲལ་མི་སྲིད་པ་དང་། གཞན་དག་ལའང་སངས་རྒྱས་ཀྱིས་གསུངས་པ་མ་ཡིན་པར་རུང་བ་མ་ཡིན་པའི་མདོ་རང་བཟོ་སྣ
112a4 ཚོགས་ཀྱི་ཚིག་དང་། ཡི་གེ་དང་། བྲན་དང་བྲན་མོ་ལ་སོགས་པ་ཡོངས་སུ་འཛིན་པ་སྟོན་མི་སྲིད་པ་དང་། གློ་བུར་གྱི་ཉེ་བའི་ཉོན་མོངས་པ་རྣམས་ཀྱིས་དེ་ལ་གནོད་པར་འགྱུར་མི
112a5 སྲིད་པ་དང་། ནང་གི་ཉོན་མོངས་པ་རྣམས་ཀྱིས་དེ་ལ་གནོད་པར་འགྱུར་མི་སྲིད་པ་དང་། དེ་བཞིན་གཤེགས་པའི་ཁམས་བཅབས་ཏེ་ཆོས་སྟོན་མི་སྲིད་པ་དང་། ཁམས་བཞིའི་སྦྲུལ
112a6 གདུག་པ་ལ་བརྟེན་པའི་གློ་བུར་གྱི་ནད་རྣམས་ཀྱིས་དེ་ལ་གནོད་པར་བྱེད་པར་འགྱུར་མི་སྲིད་པ་དང་། བདག་ཏུ་སྨྲ་བའང་མ་ཡིན། བདག་མེད་པར་སྨྲ་བ་ཚར་གཅོད་པའང་ཡིན་ལ།
112a7 འཇིག་རྟེན་པའི་བདག་རྣམ་པར་སྤངས་པ་དང་། འཇིག་རྟེན་པའི་བྱ་བ་རྣམས་ཀྱིས་ཀྱང་འཇིག་རྟེན་ན་མཐུན་པར་བྱེད་པ་དང་། ཐེག་པ་ཆེན་པོ་མ་ཡིན་པའི་ཐེག་པ་གཞན་འབར་བར
iiif viewer powered by OpenSeadragon
