| e-texts navigator |
| Wylie |
111b1 ནི|་གང་བདག་ཉིད་ཚུལ་ཁྲིམས་དང་། ཆོ་ག་དང་། ཡོན་ཏན་དང་ལྡན་པར་གྱུར་ནས་ཆོས་འབྱིན་པར་བྱེད་པ་དང་། དེ་བཞིན་གཤེགས་པའི་རྩ་བ་དང་ལྡན་པ་གང་ཡིན་པ་དེ་དག་ཐོག་མ་ཁོ
111b2 ནར་རྒྱས་པར་བྱེད་ཅིང་དོན་ཡང་རྟོགས་པར་བྱེད་ལ། ཆོས་འདི་ནི། འདོད་ཆེན་ཆུང་བའི་ཡིན་གྱི། ཆོས་འདི་ནི། འདོད་ཆེན་ཆེ་བའི་མ་ཡིན་ནོ། །ཞེས་དོན་བརྡ་སྤྲོད་པར་བྱེད་པ་དང་། སྐྱེས་བུ
111b3 ཆེན་པོའི་རྣམ་པར་རྟོག་པ་བརྒྱད་སྟོན་པར་བྱེད་པ་དང་། ཉེས་པ་བྱུང་ན་དེ་ལས་བསླང་བའི་ཕྱིར་གཞན་དག་ལ་འཆགས་པར་བྱེད་པ་དང་། བྱང་ཆུབ་སེམས་དཔའི་སྤྱད་པ་སྤྱོད་པ་ན
111b4 དགོངས་པའི་ཚིག་ལ་མཁས་ཤིང་དམ་པའི་ཆོས་འབྱིན་པར་བྱེད་པ་འདི་ནི། གང་ཟག་དང་པོ་སྟེ། སོ་སོའི་སྐྱེ་བོའི་གྲངས་སུ་གཏོགས་མོད་ཀྱི། འདི་ནི། སོ་སོའི་སྐྱེ་བོ་ཐོས་པ་དང་མི
111b5 ལྡན་པ་མ་ཡིན་ཏེ། བརྒྱད་པའི་སོ་སོའི་སྐྱེ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པ་རྣམས་ཀྱིས་སངས་རྒྱས་སུ་འགྱུར་བར་གསུང་སྟེ་ལུང་བསྟན་པས
111b6 ལུང་བསྟན་པ་ཡིན་ནོ། །དེ་ལ་རྒྱུན་དུ་ཞུགས་པ་དང་། ལན་གཅིག་ཕྱིར་འོང་བ་ཞེས་བྱ་བ་ནི། གང་ཐོབ་ནས་དམ་པའི་ཆོས་འབྲི་བ་དང་། འཆང་བ་དང་། འབྲལ་བར་འགྱུར་བ་མི་སྲིད་པ
111b7 དང་། །གཞན་དག་ལའང་སངས་རྒྱས་ཀྱིས་གསུངས་པ་མ་ཡིན་པ་རང་བཟོའི་ཚིག་དང་། ཡི་གེ་སྣ་ཚོགས་དང་། བྲན་དང་བྲན་མོ་ཡོངས་སུ་འཛིན་པ་སྟོན་མི་སྲིད་པ་སྟེ། རྒྱུན་དུ་ཞུགས
iiif viewer powered by OpenSeadragon
