| e-texts navigator |
| Wylie |
111a1 ཟད་པར་འགྱུར་བ་མ་ལགས་སོ། །དེ་བཞིན་གཤེགས་པ་ནི། སྐུ་ཚེ་ཟད་མི་ཤེས་པ་ལགས་པར་བལྟ་བར་བགྱིའོ། །བཀའ་སྩལ་པ། རིགས་ཀྱི་བུ། ལེགས
111a2 སོ|་|ལེགས་སོ། །དམ་པའི་ཆོས་སྲུང་བས་ནི། དེ་སྐད་བྱ་བའི་རིགས་སོ། །བདག་གི་ཐེ་ཚོམ་ངེས་པར་བྱེད་འདོད་པས་ནི། དེ་ལྟར་བྱ་བའི་རིགས་སོ། །དེ་ལྟར་ན། བྱང་ཆུབ་སེམས
111a3 དཔའ་སེམས་དཔའ་ཆེན་པོ་ནི། སྣ་གྲངས་འདི་བཞིས་ཆོས་སྟོན་པར་བྱེད་དོ། །བྱང་ཆུབ་སེམས་དཔའ་སྣ་གྲངས་བཞིས་ཆོས་སྟོན་པའི་ལེའུ་སྟེ། བཞི་པའོ།། །།ཡོངས
111a4 སུ་མྱ་ངན་ལས་འདས་པ་ཆེན་པོའི་མདོ་འདི་ལ་དམ་པའི་ཆོས་ཀྱི་ཚུལ་ཐོབ་པ་དང་། དམ་པའི་ཆོས་འབྱིན་པ་དང་། རྟེན་དུ་གྱུར་པའི་གང་ཟག་བཞི་ཡོད་དེ། སྐྱེ་བོ་མང་པོ་ལ་ཕན་པ
111a5 དང་། སྐྱེ་བོ་མང་པོ་ལ་བདེ་བའི་ཕྱིར་འཇིག་རྟེན་དུ་བྱུང་ངོ་། །བཞི་གང་ཞེ་ན། ཀུན་ནས་ཉོན་མོངས་པའི་རང་བཞིན་ཅན་གྱི་མི་གང་ཟག་དེ་ལྟ་བུ་སྐྱེ་བོ་མང་པོ་ལ་བདེ་བ་དང་། སྐྱེ་བོ་མང
111a6 པོ་ལ་ཕན་པའི་ཕྱིར་འཇིག་རྟེན་དུ་འབྱུང་སྟེ། འདི་ནི། གང་ཟག་དང་པོའོ། །རྒྱུན་དུ་ཞུགས་པའི་འབྲས་བུ་དང་། ལན་གཅིག་ཕྱིར་འོང་བའི་འབྲས་བུ་དང་ལྡན་པའི་གང་ཟག་དེ་ལྟ
111a7 བུ་ནི|་གཉིས་པའོ། །ཕྱིར་མི་འོང་བ་ནི། གསུམ་པའོ། །དགྲ་བཅོམ་པ་ནི། བཞི་པ་སྟེ། གང་ཟག་བཞི་པོ་འདི་རྣམས་ནི། རྟེན་དུ་གྱུར་པ་ཡིན་ནོ། །དེ་ལ་སོ་སོའི་སྐྱེ་བོ་ཞེས་བྱ་བ
iiif viewer powered by OpenSeadragon
