| e-texts navigator |
| Wylie |
110b1 བར་གྱུར་ན། མཚམས་མེད་པ་བྱེད་པ་ཞེས་བྱའམ། འོན་ཏེ་མི་བྱ། གསོལ་བ། མ་སོད་པ་ཞེས་མི་བགྱི་ལགས་སོ། །ཡང་གསོལ་བ། ཅི་ལགས། མཚམས་མ་མཆིས་པའི་ལས་ཀྱི
110b2 རྒྱུའི་དངོས་པོ་ཞུ་བར་འཚལ་ལམ། བཀའ་སྩལ་པ། ཕ་མའི་ཕུང་པོ་བཤིག་པས་མཚམས་མེད་པ་བྱེད་པ་ཞེས་བྱ་བས་དེའི་ཕྱིར་དེ་མཚམས་མེད་པ་བྱེད་པ་ནི། མ་ཡིན་གྱི། མ་གསོད
110b3 པའི་སེམས་བསྐྱེད་པ་བརྩམས་པས་ན། མཚམས་མེད་པ་བྱེད་པ་དང་འདྲ་བ་ཡིན་ནོ། །ཕུང་པོ་དང་། ཁམས་དང་སྐྱེ་མཆེད་ཀྱི་དངོས་པོ་མ་བཤིག་གི་བར་དུ་མཚམས་མེད་པ་བྱེད
110b4 པ་རྫོགས་པ་ཞེས་མི་བྱ་སྟེ། འདིར་རྒྱུའི་དབང་གིས་ཆོས་དེ་ཁོ་ན་ཉིད་རིག་པར་བྱའོ། །གསོལ་བ། བཅོམ་ལྡན་འདས། ལེགས་ལགས་སོ། །ལེགས་ལགས་སོ། །དེ་ལྟར་རྒྱུའི་དབང
110b5 གིས་རིག་པར་ཡང་བགྱི། རིག་པར་ཡང་མི་བགྱི་ལགས་སོ། །བཀའ་སྩལ་པ། རིགས་ཀྱི་བུ། དེ་བཞིན་དུ་ངས་རྒྱུའི་དབང་གིས་ཐར་པ་བརྗོད་པ་ཡིན་ནོ། །རྒྱུའི་སྒོ་ནས་མྱ་ངན་ལས་འདས
110b6 པ་ཡོན་ཏན་དཔག་ཏུ་མེད་པ་དང་ལྡན་པ་དཔེ་མེད་པ་ཁོ་ན་ཡིན་ནོ། །དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོར་འགྲོ་བའང་ཡོན་ཏན་དཔག་ཏུ་མེད་པ་དང་ལྡན་པ་ཡིན་ནོ། །དེང
110b7 དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་མཛད་དེ། དེ་བས་ན། ཡོངས་སུ་མྱ་ངན་ལས་འདས་པ་ཆེན་པོའི་དོན་ནི། དེ་ཡིན་ནོ། །གསོལ་བ། དེ་བཞིན་གཤེགས་པ་ནི།
iiif viewer powered by OpenSeadragon
