| e-texts navigator |
| Wylie |
110a1 བགྱིས་པ་ཞེས་མི་བགྱི་ལགས་སོ། །དེ་ཅིའི་སླད་དུ་ཞེ་ན། བསགས་པའི་ཁམས་མ་བཤིག་པས་ན། དངོས་པོའི་སྒོ་ནས་མཚམས་མེད་པ་བགྱིད་པ་མ་ལགས་སོ། །
110a2 དེ་བཞིན་གཤེགས་པའི་སྐུ་ལ་ནི། བསགས་པའི་ཁམས་ཀྱི་བག་ཀྱང་མ་མཆིས་ཏེ། ཆོས་ཀྱི་ཁམས་ལགས་ན། ཇི་ལྟར་བགྲོངས་སུ་རུང་། དེ་བས་ན། སེམས་བསྐྱེད་པ་དང་བརྩམས
110a3 པ་ཙམ་ལས་མཚམས་མེད་པ་བགྱིད་པ་ཞེས་བགྱི་སྟེ། འདིར་རྒྱུའི་དབང་གིས་ཆོས་ཀྱི་དེ་ཁོ་ན་ཉིད་རིག་པར་བགྱི་བ་ལགས་སོ། །བཀའ་སྩལ་པ། རིགས་ཀྱི་བུ། ལེགས་སོ་ལེགས
110a4 སོ། །ངས་ཀྱང་ཚིག་དེ་སྐད་དུ་སྨྲ་བར་བསམ་མོ། །རིགས་ཀྱི་བུ། གཞན་ཡང་འདི་ན་མི་སྡིག་ཅན་ལ་ལ་ཞིག་བདག་གི་མ་གསད་དོ། །སྙམ་ནས་དགོན་པ་ཞིག་ན་ཁྲེ་རྒོད་དང་། སྲན
110a5 ཆུང་གི་གཡུལ་དུ་བྱ་ར་བྱས་ནས་མ་དེར་འོངས་པ་དང་། ཁྱོད་ཀྱི་ངའི་ཐུགས་པ་ལེགས་པར་ཁྱེར་ཏེ་མ་འོངས་སོ། །ཞེས་ཟེར་ཏེ། དགྲ་སྟ་བརྡར་ནས་བསད་པར་བྱས་པ་དང་། དགྲ་སྟ
110a6 བརྡར་བའི་བར་དེའི་སྐབས་སུ་དེའི་མ་སྐྲག་ནས་སོག་མའི་ཕུང་པོའི་ནང་དུ་ཞུགས་སོ། །དེ་ནས་དེ་དགྲ་སྟ་ཐོགས་ཏེ་སོག་མའི་ཕུང་པོ་ལ་བསྣུན་ནས་ད་ནི། བདག་གི་མ་ཤིའོ་སྙམ
110a7 སྟེ|་མི་གཞན་གྱིས་འཇིགས་ནས་སོག་མ་ལེགས་པར་མ་བརྟགས་སོ། །དེ་ནས་མ་དེ་དེའི་ནང་ནས་བྱུང་སྟེ་སོང་ངོ་། །དེ་ནས་དེ་བདག་གི་མ་ཤི་ཟིན་ནོ། །སྙམ་སྟེ་སེམས་དགའ
iiif viewer powered by OpenSeadragon
