| e-texts navigator |
| Wylie |
10b1 དང་། བྱ་རྒོད་དང་། བྱ་རོག་རྣམས་ཀྱི་ཟས་ཡིན་ན། སུ་ཞིག་འདི་ལྟ་བུ་འཆང་བ་ལ་དགའ་བར་བྱད། རྒྱ་མཚོའི་ཆུ་ཐམས་ཅད་སྐྲའི་རྩེ་མོས་བླངས་ཏེ་བ་ལང་གི་མིག་རྗེས་སུ་བླུགས་པར་ནི། ནུས་སྲིད
10b2 ཀྱི|་ལུས་ནད་བཞི་བརྒྱ་རྩ་གཞིས་གཟིར་བ་འདི་སྙིང་པོ་མེད་པའམ་མི་གཙང་བ་ནི། ཚིག་ཙམ་གྱིས་བསྟན་པར་མི་ནུས་སོ། །ས་ཆེན་པོ་འདི་རྒྱ་ཤུག་གི་འབྲས་བུའི་རུས་པའི་འབྲུ་ཙམ་ཤ་སྟག་ཏུ
10b3 བྱས་པའམ། ཡུངས་འབྲུ་ཙམ་མམ། རྡུལ་ཕྲ་རབ་ཀྱི་རྡུལ་ཙམ་ཤ་སྟག་ཏུ་བྱས་པས་ནི། ཟད་པར་འགྱུར་ཡང་སྲིད་ཀྱི། ལུས་འདི་ཡོད་ཀྱི་བར་དུ་འདིའི་ཉེས་དམིགས་ནི། མཐར་ཐུག་པར་མི་འགྱུར
10b4 ཏེ|་དེ་བས་ན་དམ་པའི་ཆོས་བསྲུང་བའི་ཕྱིར་འདི་མཆིལ་མ་བཞིན་དུ་དོར་བར་བྱའོ། །སྙམ་སྟེ། འདི་ལྟར་དགེ་བསྙེན་མ་དེ་དག་ཐམས་ཅད་ཆེན་པོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད
10b5 པ་བསྒོམས་པས་སེམས་བསྒོམས་པ་ཤ་སྟག་སྟེ། འདི་ལྟ་སྟེ། དགེ་བསྙེན་མ་འཚོ་བའི་དཔལ་ཞེས་བྱ་བ་དང་། དགེ་བསྙེན་མ་དཔལ་ཕྲེང་ཞེས་བྱ་བ་དང་། དགེ་བསྙེན་མ་ས་ག་ཞེས་བྱ་བ་དང་། དེ་ལ་སོགས
10b6 པ་ཐམས་ཅད་ཀྱང་ཐེག་པ་ཆེན་པོ་ཐོས་པར་འདོད་ལ། ཐོས་ནས་ཀྱང་གཞན་དག་ལ་བསྟན་པར་བྱའོ། །སྙམ་དུ་དམ་བཅས་པ། སྲུང་བ་ལྷུར་ལེན་པ། བུད་མེད་ཀྱི་ལུས་ངན་ནོ། །སྙམ་དུ་སྨོད་པ་དང་།
10b7 ལུས་སྙིང་པོ་མེད་དོ། །སྙམ་དུ་སྨོད་པ་སོ་སོ་ནས་ཤས་ཆེར་སྒོམ་པ་དང་། འཁོར་བའི་འཁོར་ལོ་གཞིག་གོ། །སྙམ་དུ་སེམས་པ་ཤ་སྟག་དང་། ཐེག་པ་ཆེན་པོས་སྐོ་མ་ལ་ངོམས་ནས་ཀྱང་གཞན
iiif viewer powered by OpenSeadragon
