| e-texts navigator |
| Wylie |
108b1 བར་མི་འགྱུར་ཏེ། གསུམ་ལ་སྐྱབས་སུ་མཆིས་པ་རྣམས་མྱ་ངན་ལས་འདའ་བར་མི་འགྱུར་ལགས་སོ། །བཀའ་སྩལ་བ། ཇི་ལྟར་མི་བརྒྱལ་བ་ལས་སངས་བའི་དྲུང་བའི་མི་དག་དོང་སྟེ།
108b2 ཁྱོད་སངས་ཤིང་བདེ་བར་གྱུར་ཏམ་ཞེས་དྲིས་ན། དེ་སངས་ནས་བདག་སངས་ཏེ་བདེ་བར་གྱུར་ཏོ། །ཞེས་ཟེར་ཏེ། དེ་བརྒྱལ་བ་ལས་སངས་བ་བཞིན་དུ་སྲིད་པ་ཉི་ཤུ་རྩ་ལྔ་པོ་ཐམས་ཅད
108b3 ལས་གྲོལ་ན་སངས་རྒྱས་ཀྱི་ཡོངས་སུ་མྱ་ངན་ལས་འདས་པ་ཐོབ་པ་ཡིན་ནོ། །མཆོག་ཏུ་བདེ་བ་ཞེས་བྱ་བ་ནི། དེར་ཟད་མི་ཤེས་པའི་འདུ་ཤེས་ཀྱིས་མཆོག་ཏུ་བདེ་བའི་རྣམ་པ་མང་བ
108b4 གང་ཡིན་པ་སྟེ། དེ་ནི། ཡོངས་སུ་མྱ་ངན་ལས་འདས་པ་ཡིན་ནོ། །དེ་ནི། ཐར་པ་ཡིན་ནོ། །མཆོག་ཏུ་བརྟན་པ་དང་། མི་གཡོ་བ་དང་། དབྱེ་བ་དང་། རྟག་པ་མྱོང་བ་གང་ཡིན་པ་དེ་ནི། ཐར
108b5 པའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །དེ་ནས་བཅོམ་ལྡན་འདས་ལ་འོད་སྲུང་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ། །མ་སྐྱེས་པ་དང་། མ་བྱུང་བ
108b6 གང་ལགས་པ་དེ་ཐར་པ་ལགས། དེ་དེ་བཞིན་གཤེགས་པ་ལགས་ཞེས་བགྱིའམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། དེ་ལྟ་ལོས་ཀྱང་སྟེ། དེ་ནི། ཐར་པ
108b7 ཡིན་ནོ། །དེ་ནི། དེ་བཞིན་གཤེགས་པ་ཡིན་ནོ། །གསོལ་བ། འོ་ན་ནམ་མཁའི་ཁམས་ཀྱང་མ་སྐྱེས་པ་མ་བྱུང་བ་ལགས་ན། ཐར་པའང་དེ་དང་འདྲ། དེ་བཞིན་གཤེགས་པའང
iiif viewer powered by OpenSeadragon
