| e-texts navigator |
| Wylie |
106b1 སྡུག་བསྔལ་ཐམས་ཅད་བོར་ཏེ་ཤས་ཆེར་བདེ་བ་ནི། ཐར་པའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །འདོད་ཆགས་དང་། ཞེ་སྡང་དང་། གཏི་མུག་ཟད་པ་འདོད་ཆགས་དང་།
106b2 ཞེ་སྡང་དང་། གཏི་མུག་ཟད་པ་ཞེས་བྱ་བ་ལ། གསུམ་ཟད་པར་བྱས་ཏེ་རྩ་ནས་བཏོན་པ་ནི། ཐར་པའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །ཕུང་པོ་ཐམས་ཅད་སྤངས་པ
106b3 ཕུང་པོ་ཐམས་ཅད་སྤངས་པ་ཞེས་བྱ་བ་ནི། ཉེས་པ་ཐམས་ཅད་སྤངས་པ་སྟེ། ལེགས་པར་མཐོང་བའི་ཕྱིར་རོ། །དེ་ནི། ཐར་པ་ཡིན་ཏེ། ཐར་པ་གང་ཡིན་པ་དེ་ནི། དེ་བཞིན་གཤེགས
106b4 པའོ|་|འདུས་བྱས་ཐམས་ཅད་སྤངས་པའི་དོན་འདུས་བྱས་ཐམས་ཅད་སྤངས་པའི་དོན་ཞེས་བྱ་བ་ནི། ཐར་པ་སྟེ། དགེ་བ་ཐམས་ཅད་སྒྲུབ་པའོ། །ཐར་པ་གང་ཡིན་པ་དེ་ནི། དེ
106b5 བཞིན་གཤེགས་པའོ། །ལམ་ཆད་པ་ལམ་ཆད་པ་ཞེས་བྱ་བ་ནི། བདག་མེད་པ་བསྒོམས་ནས་རྒྱུན་མི་འཆད་པའི་ཚུལ་གྱིས་བདག་མེད་པ་འཛིན་པ་དང་། བདག་བསྒོམས་ནས
106b6 རྒྱུན་མི་འཆད་པའི་ཚུལ་གྱིས་བདག་འཛིན་པ་དང་། གཉིས་ཀའི་ཕྱོགས་བསྒོམས་ནས་སངས་རྒྱས་ཀྱི་ཁམས་གང་ཡིན་པ་དེ་ནི། ཡོད་དོ། །ཞེས་དེ་འཛིན་པ་གང་ཡིན་པ་དེ་ནི།
106b7 ཐར་པའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །སྟོང་པ་ཉིད་སྟོང་པ་ཉིད་ཅེས་བྱ་བ་ནི། གང་གི་ཚེ་བཙལ་ཀྱང་ཅིའང་མ་རྙེད་པ་སྟེ། ཅིའང་མེད་པ་ཞེས་བྱ་བ་ནི། གཅེར
iiif viewer powered by OpenSeadragon
