| e-texts navigator |
| Wylie |
106a1 ལས་སུ་རུང་བ་བཞིན་དུ་ཐར་པའང་དེ་དང་འདྲ་སྟེ། ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །ཐར་བ་ནི། བྱིས་པའི་སྤྱོད་པ་ལྟ་བུ་མ་ཡིན་ནོ། །
106a2 ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །ཤིན་ཏུ་སྤངས་པ་ཤིན་ཏུ་སྤངས་པ་ཞེས་བྱ་བ་ནི། ཇི་ལྟར་རྒྱལ་སྲིད་ཀྱི་དབང་ཕྱུག་ཐོབ་ནས་མཐུ་ཆེ་ཞིང་བག་ཡངས་སུ་འདུག
106a3 པ་བཞིན་དུ་ཕུང་པོ་ཡོངས་སུ་སྤངས་པ་ནི། ཐར་པ་ཡིན་ནོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །མཐར་ཐུག་པ་མཐར་ཐུག་པ་ཞེས་བྱ་བ་ནི། ཉོན་མོངས་པ་མི་གཙང
106a4 བ་ཟད་པ་སྟེ། ཐར་པ་ནི། རྒྱལ་པོའི་བཙོན་ར་ནས་ཕྱིན་པའི་མི་དང་འདྲའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པ་སྟེ། བཅོས་མ་མ་ཡིན་པའི་བདེ་བའོ། །འདོད་ཆགས་དང་།
106a5 ཞེ་སྡང་དང་། གཏི་མུག་སྤོང་བ་འདོད་ཆགས་དང་། ཞེ་སྡང་དང་། གཏི་མུག་སྤོང་བ་ཞེས་བྱ་བ་ནི། གསུམ་གྱི་བཏང་བ་སྟེ། ཇི་ལྟར་མི་སྤྲུལ་གདུག་པས་ཟིན་པ་བདག་ཉིད་སོས་པར་བྱ
106a6 བའི་ཕྱིར་བད་ཀན་སྐྱུག་པར་བྱེད་པ་བཞིན་དུ་ཉོན་མོངས་པའི་བད་ཀན་ཟད་པ་ནི། ཐར་པའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །ཉོན་མོངས་པ་སྤོང་བ་ཉོན་མོངས་པ
106a7 སྤོང་བ་ཞེས་བྱ་བ་ལ། སྤྲུལ་གདུག་པ་འདྲ་བའི་ཉོན་མོངས་པ་ཟད་པ་ནི། ཐར་པའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །ཕུང་པོ་སྤོང་བ་ཕུང་པོ་སྤོང་བ་ཞེས་བྱ་བ་ལ།
iiif viewer powered by OpenSeadragon
