| e-texts navigator |
| Wylie |
105b1 བསྒོམས་ནས་བདག་གི་ལམ་ལ་འཇུག་པ་དེ་ནི། ཐར་པའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །དགེ་བ་དགེ་བ་ཞེས་བྱ་བ་ནི། ཇི་ལྟར་རྗེས་སུ་བསྟན་པར་བྱ་བ་རྣམས་ལ
105b2 བླ་མའི་ཚིག་གཅིག་ཏུ་མེད་པ་ལྟ་བུའོ། །དགེ་བ་ཞེས་བྱ་བ་ནི། ལེགས་པ་ཡིན་ཏེ། དེ་ནི། ཐར་པའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །འཇིག་རྟེན་ལས་འདས
105b3 པ་འཇིག་རྟེན་ལས་འདས་པ་ཞེས་བྱ་བ་ནི། ཆོས་ཐམས་ཅད་ཀྱི་ནང་ན་གནས་ཀྱི་དམ་པ་སྟེ། དེ་ནི། ཐར་པའོ། །ཇི་ལྟར་བཅུད་ཐམས་ཅད་ཀྱི་ནང་ན་མཆོག་ནི། བའི་འོ་མ་ཡིན་པ་བཞིན་དུ
105b4 འཇིག་རྟེན་ལས་འདས་པ་དེ་ནི། ཐར་པ་ཡིན་ནོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །མི་གཡོ་བ་མི་གཡོ་བ་ཞེས་བྱ་བ་ནི། ཇི་ལྟར་སྒོ་གཏན་གྱི་རྟེན་མ་ཕྱོགས་བཞིའི་རླུང
105b5 གིས་བསྐྱོད་མི་ནུས་པ་བཞིན་དུ་ཐར་པའང་དེ་དང་འདྲ་བར་བརྟན་ཞིང་མི་གཡོ་བ་ཡིན་ནོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །རྒྱ་མཚོའི་རླབས་ནི། མི་བརྟན་པའི་རང
105b6 བཞིན་ཅན་ཡིན་ཏེ། ཐར་པ་ནི། དེ་ལྟ་མ་ཡིན་ནོ། ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །གནས་གནས་ཞེས་བྱ་བ་ནི། རྒྱལ་པོའི་ཕོ་བྲང་ཁང་བཟང་འཕན་སྐྱོན་མེད་པ་དེའང་བཅོས་མ
105b7 ཡིན་ནོ། །ཐར་པ་དེ་ནི། དེ་ལྟ་མ་ཡིན་ཏེ། ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །ངེས་པ་ངེས་པ་ཞེས་བྱ་བ་ནི། ཇི་ལྟར་ཛམྦུ་ཆུ་བོའི་གསེར་སྐྱོན་མེད་ཅིང་ཐམས་ཅད་དུ
iiif viewer powered by OpenSeadragon
