| e-texts navigator |
| Wylie |
105a1 བར་བསྟན་ཏེ། དེ་ནི། དེ་བཞིན་གཤེགས་པའི་སྙིང་པོ་ལ་འཇུག་པའོ། །ཇི་ལྟར་ཨེ་རཎྜ་དང་། འདམ་བུའི་སྡོང་བུ་ནི། འབྲས་བུ་མ་གཏོགས་པར་ཐོག་ཐག
105a2 ཏུ་སྙིང་པོ་མེད་པ་དེ་བཞིན་དུ་ལྷ་དང་། མི་དང་། ལྷ་མ་ཡིན་གྱི་ལུས་ཐམས་ཅད་ནི། དེ་བཞིན་གཤེགས་པའི་སྙིང་པོ་མ་གཏོགས་པ་ཐམས་ཅད་ཨེ་རཎྜ་དང་། འདམ་བུ་བཞིན་དུ
105a3 སྙིང་པོ་མེད་དོ། །སྲིད་པ་སྙིང་པོ་མེད་པ་ཐམས་ཅད་རྣམ་པར་སྤངས་པ་ནི། ཐར་པའོ། །ཐར་པ་ནི། རང་ལ་བརྡ་སྤྲོད་པ་ཡིན་ཏེ། ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །སྤོང
105a4 བ་སྤོང་བ་ཞེས་བྱ་བ་ནི། ཁ་ཟས་མ་ཞུ་བས་ཁ་ཟས་མ་ཚོས་པ་སྤོང་བ་བཞིན་དུ་སྲིད་པ་ཐམས་ཅད་བཅད་པ་དང་སྤངས་པ་སྟེ། དེ་ལྟར་ན། ཐར་པ་ནི། མཁས་པའོ། །ཐར་པ་གང་ཡིན་པ་དེ་ནི།
105a5 དེ་བཞིན་གཤེགས་པའོ། །རང་སངས་རྒྱས་ཀྱི་ཆོས་རང་སངས་རྒྱས་ཀྱི་ཆོས་ཞེས་བྱ་བ་ནི། ཇི་ལྟར་ཀླུ་ཤིང་གི་མེ་ཏོག་བ་མཁལ་གྱི་མེ་ཏོག་མ་ཡིན་པ་བཞིན་དུ་ཐར་པའང་དེ་དང་འདྲ་སྟེ།
105a6 ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །ཁམས་ཁམས་ཞེས་བྱ་བ་ལ། ཁམས་དེ་ནི། སེམས་ཅན་ཐམས་ཅད་ཀྱི་ཁམས་སོ། །སྲོག་དེ་ནི། སེམས་ཅན་ཐམས་ཅད་ཀྱི
105a7 སྲོག་གོ། ཐར་པའང་དེ་དང་འདྲ་སྟེ། ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །སྐྱེ་མཆེད་སྐྱེ་མཆེད་ཅེས་བྱ་བ་ནི། གང་ལ་འབྱུང་བའི་སྒོ་ཡོད་པ་སྟེ། བདག་མེད་པ
iiif viewer powered by OpenSeadragon
