| e-texts navigator |
| Wylie |
442a1 ཕུར་མ་རི་རབ་ཙམ་གཏོར་བ་དང་། སྤོས་དང་། ཕྱེ་མ་དང་། བྱུག་པ་དང་། གོས་དང་། གདུགས་དང་། རྒྱལ་མཚན་དང་། བ་དན་དང་། ལྷ་དང་མིའི་མཆོད་པ་རྣམ་པ་མང་པོ
442a2 གཞན་དག་གིས་མཆོད་པ་བས། རིགས་ཀྱི་བུའམ། རིགས་ཀྱི་བུ་མོ་གང་ཞིག་སྣང་བ་བསམ་གྱིས་མི་ཁྱབ་པས་བསྟན་པའི་ཆོས་ཀྱི་རྣམ་གྲངས་འདི་འཛིན་ཅིང་ཀློག་ལ། ཀུན་ཆུབ་པར་བྱེད
442a3 ཅིང་། གཞན་དག་ལའང་རྒྱ་ཆེར་ཡང་དག་པར་སྟོན་ལ། དེ་བཞིན་དུ་ནན་ཏན་དུ་བྱེད་ན། འདི་ནི། བསོད་ནམས་ཀྱི་ཕུང་པོ་དེ་བས་ཆེས་མང་དུ་བསྐྱེད་དོ། །ཀུན་དགའ་བོ། དེ་ལྟ་བས་ན། དེ་བཞིན
442a4 གཤེགས་པ་ཆོས་ཀྱི་མཆོད་པས་མཆོད་པར་འདོད་པ་དང་། ཤེས་རབ་ཀྱི་སྣང་བ་ཆེན་པོ་བྱེད་པར་འདོད་པས་ཆོས་ཀྱི་རྣམ་གྲངས་འདི་གཟུང་བར་བྱ། བཀླག་པར་བྱ། ནན་ཏན་གྱིས་བསྒྲུབ་པར
442a5 བྱ|་གཞན་དག་ལའང་རྒྱ་ཆེར་ཡང་དག་པར་རབ་ཏུ་བསྟན་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ཚེ་དང་ལྡན་པ་ཀུན་དགའ་བོ་དང་། བྱང་ཆུབ་སེམས་དཔའ་སེམས
442a6 དཔའ་ཆེན་པོ་སྣང་བ་བསམ་གྱིས་མི་ཁྱབ་པ་དང་། ཡུལ་ཀོ་ས་ལའི་རྒྱལ་པོ་གསལ་རྒྱལ་འཁོར་དང་བཅས་པ་དང་། ལྷའི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་།
442a7 འཇིག་རྟེན་སྐྱོང་བ་བཞི་དང་། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ
iiif viewer powered by OpenSeadragon
