| e-texts navigator |
| Wylie |
440b1 བསྟན་དུ་གསོལ། །རྡོ་རྗེའི་སྐུ་མངའ་སྲ་བརྟན་མི་ཤིགས་པ། །སྲེད་མེད་བུ་མཐུ་སྲེད་མེད་བུ་བས་མཆོག་།ཚངས་དབྱངས་སྒྲ་སྙན་འཇམ་པའི་དབྱངས་ལྡན་པ། །འཛུམ་པ་མཛད་དེ་བདག་ལ་བསྟན
440b2 དུ་གསོལ། །བཞུགས་ཀྱང་ཚངས་དང་དེ་བཞིན་ལྷ་ཚོགས་ཀྱིས། །དེ་བཞིན་གཤེགས་པའི་སྤྱི་གཙུག་མ་མཐོང་། །གུས་དང་བཅས་པས་ཀུན་ནས་ལྟ་བགྱིད་པ། །འཛུམ་པ་མཛད་དེ་བདག་ལ
440b3 བསྟན་དུ་གསོལ། །ཁྱོད་ཀྱིས་ཆོས་ཀྱི་འཁོར་ལོ་དམ་པ་བསྐོར། །མི་རྟག་སྒྲས་ནི་ལྷ་དང་ལྷ་མིན་དང་། །དེ་བཞིན་ཀླུ་དང་གནོད་སྦྱིན་རབ་བསྐྱོད་པ། །འཛུམ་པ་མཛད་དེ་བདག་ལ་བསྟན་དུ་གསོལ།།
440b4 སྣང་བ་བརྙེས་ཤིང་མུན་པ་རྣམ་བྲལ་བ། །ཀུན་ནས་སྤྱན་མངའ་མཉམ་པ་ཉིད་བཞུགས་པ། །ཡོན་ཏན་མཆོག་མངའ་ཡོན་ཏན་སྙིང་པོ་བསྟན། །འཛུམ་པ་མཛད་དེ་བདག་ལ་བསྟན་དུ་གསོལ།།
440b5 དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་དོ། །ཀུན་དགའ་བོ། ཁྱེའུ་སྣང་བ་བསམ་གྱིས་མི་ཁྱབ་པ་ཤིང་ཏ་ལ་བདུན་སྲིད
440b6 ཀྱི་སྟེང་གི་བར་སྣང་ལ་འདུག་པ་འདི་མཐོང་ངམ། གསོལ་པ། བཅོམ་ལྡན་འདས། མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། བྱང་ཆུབ་སེམས་དཔའ་སེམས
440b7 དཔའ་ཆེན་པོ་སྣང་བ་བསམ་གྱིས་མི་ཁྱབ་པ་འདི་བསྐལ་པ་གྲངས་མེད་པ་བརྒྱའི་འོག་ཏུ་བསྐལ་པ་ཀུན་ཏུ་སྣང་བྱེད་ཅེས་བྱ་བ་ལ། འཇིག་རྟེན་གྱི་ཁམས་རྣམ་པར་སྦྱོང་ཞེས་བྱ་བར་དེ་བཞིན
iiif viewer powered by OpenSeadragon
