| e-texts navigator |
| Wylie |
440a1 སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་། དངུལ་གྱི་ཁ་དོག་ལྟ་བུ་སྟེ། ཁ་དོག་དུ་མ་དེ་དག་གིས་འཇིག་རྟེན་གྱི་ཁམས་མཐའ་ཡས་མུ
440a2 མེད་པ་སྣང་བར་བྱས་ཏེ། ཚངས་པའི་འཇིག་རྟེན་གྱི་བར་དུ་མངོན་པར་བྱུང་ནས། ཟླ་བ་དང་ཉི་མ་རྣམས་ཀྱི་འོད་མོག་མོག་པོར་བྱས་ཏེ་སླར་ལོག་ནས་བཅོམ་ལྡན་འདས་ཀྱི་དབུའི
440a3 གཙུག་ཏུ་ནུབ་བོ། །དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས
440a4 ག་ལ་བ་དེ་ལོགས་སུ་ཐལ་མོ་སྦྱར་པ་བཏུད་ནས། བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་དོན་དེ་ཞུས་པ། བལྟ་སྡུག་བལྟར་འོས་གཟུགས་དང་མཚན་རྣམས་དང་།
440a5 དཔེ་བྱད་བཟང་པོ་རྣམས་ཀྱིས་རབ་མཛེས་ཤིང་། །འོད་ཀྱི་དཀྱིལ་འཁོར་འོད་ཀྱིས་འོད་མཛད་པ། །འཛུམ་པ་མཛད་དེ་བདག་ལ་བསྟན་དུ་གསོལ། །ཚུལ་ཁྲིམས་འཕགས་ཤིང་སྤྱོད
440a6 པ་ལེགས་སྤྱད་པ། །ཏིང་འཛིན་ཤེས་རབ་བསགས་པའི་ཡེ་ཤེས་འོད། །རྣམ་གྲོལ་སྙིང་པོ་སྟོབས་ལྡན་ཡང་དག་གཟིགས། །འཛུམ་པ་མཛད་དེ་བདག་ལ་བསྟན་དུ་གསོལ། །བཟོད
440a7 པའི་སྟོབས་ལྡན་སྟོབས་ཀྱི་ཤུགས་མངའ་བ། །བརྩོན་འགྲུས་མངོན་པར་འཕགས་ཏེ་མི་བསྐྱོད་པ། །མིག་ཏུ་སྡུག་ཅིང་བདེན་པ་བཞི་གཟིགས་པ། །འཛུམ་པ་མཛད་དེ་བདག་ལ
iiif viewer powered by OpenSeadragon
