| e-texts navigator |
| Wylie |
435b1 དེར་གཤེགས་སོ། །དེ་ནས་བཅོམ་ལྡན་འདས་ཀྱིས་ཟས་ཀྱི་བྱ་བ་མཛད་དེ། ནང་དུ་ཡང་དག་འཇོག་ལས་བཞེངས་ནས་ཆོས་མཉན་དུ་གཞུག་པའི་ཕྱིར་བཞུགས་སོ། །དེ་ནས་ཡུལ་ཀོ་ས་ལའི
435b2 རྒྱལ་པོ་གསལ་རྒྱལ་དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་རྒྱལ་བུ་རྒྱལ་བྱེད་ཀྱི་ཚལ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི
435b3 ཞབས་ལ་མགོ་བོས་ཕྱག་བཙལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ལ་འདི་སྐད་ཅེས་གསོལ
435b4 ཏོ|་|བཅོམ་ལྡན་འདས། གང་ངོ་མཚར་རྨད་དུ་བྱུང་བའི་ཆོས་རྣམ་པ་དེ་ལྟ་བུ་དག་དང་ལྡན་པའི་ཁྱེའུ་སྣང་བ་བསམ་གྱིས་མི་ཁྱབ་པ་དེ་ག་ལ་མཆིས། དེ་ནས་བཅོམ་ལྡན་འདས་ཀྱིས
435b5 ཁྱེའུ་སྣང་བ་བསམ་གྱིས་མི་ཁྱབ་པ་བསྟན་ནས་མཐོང་སྟེ། རྒྱལ་པོ་གསལ་རྒྱལ་གྱིས་ཁྱེའུ་དེའི་ལུས་གཟུགས་ཡོངས་སུ་གྲུབ་པ་ལྷ་ལས་འདས་པའི་མདོག་དང་། མི་འཇིགས་པ་དང་།
435b6 ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་ཀྱིས་བརྒྱན་པ་མཐོང་ནས་འདི་སྙམ་དུ་སེམས་ཏེ། སྔོན་ལས་བྱས་ཤིང་བསགས་པ་ཇི་ལྟ་བུ་ཞིག་གིས་འདི་ལྟར་འདིའི་ལུས་ཡོངས
435b7 སུ་དག་པར་གྱུར་སྙམ་མོ། །དེ་ནས་ཁྱེའུ་སྣང་བ་བསམ་གྱིས་མི་ཁྱབ་པས་སངས་རྒྱས་ཀྱི་མཐུ་དང་། རང་གི་སྔོན་གྱི་དགེ་བའི་རྩ་བས་རྒྱལ་པོ་གསལ་རྒྱལ་གྱི་སེམས་ཀྱི་ཡོངས་སུ་རྟོག་པ
iiif viewer powered by OpenSeadragon
