| e-texts navigator |
| Wylie |
434a1 སྦྱར་བ་བཏུད་དེ། བཅོམ་ལྡན་འདས་ཀྱི་སྤྱན་སྔར་རས་བཅོས་བུའི་ཟུང་བླངས་ནས་བགོས་སོ། །དེ་ནས་བཅོམ་ལྡན་འདས་གྲོང་ཁྱེར་ཆེན་པོ་མཉན་ཡོད་དུ་བསོད
434a2 སྙོམས་ལ་གཤེགས་སོ། །དེ་ན་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་། ཚོང་དཔོན་དང་། བྲམ་ཟེ་དང་། ཁྱིམ་བདག་དང་། རྒྱལ་པོ་དང་། བློན་པོ་ཆེན་པོ་དག་ངོ
434a3 མཚར་དུ་གྱུར་ཏེ། ཁྱེའུ་སྣང་བ་བསམ་གྱིས་མི་ཁྱབ་པ་ལ་བལྟ་བ་དང་། བཅོམ་ལྡན་འདས་ལའང་བལྟ་བ་དང་། ཕྱག་བྱ་བ་དང་། མཆོད་པའི་ཕྱིར་འདུས་པར་གྱུར་ཏོ། །དེ་ནས་བཅོམ
434a4 ལྡན་འདས་མཐར་གྱིས་བསོད་སྙོམས་བཞེས་ཏེ། ཁྱེའུ་སྣང་བ་བསམ་གྱིས་མི་ཁྱབ་པའི་མའི་ཁྱིམ་གལ་བ་དེར་གཤེགས་སོ། །གཤེགས་ནས་ཀྱང་ཅང་མི་གསུང་བར་ཕྱོགས་གཅིག
434a5 ཏུ་བཞུགས་སོ། །དེ་ནས་ཁྱེའུ་སྣང་བ་བསམ་གྱིས་མི་ཁྱབ་པའི་མ་ངོ་ཚ་ནས། །བཅོམ་ལྡན་འདས་ལ་བལྟ་བའི་ཕྱིར་སྒོར་མ་བྱུང་ངོ་། །དེ་ནས་ཁྱེའུ་སྣང་བ་བསམ་གྱིས་མི་ཁྱབ་པ་རང་གི
434a6 ཁྱིམ་དུ་སོང་ནས། མ་ལ་ཚིགས་སུ་བཅད་དེ་སྨྲས་པ། བདག་གི་སྔོན་གྱི་ནོངས་པ་ཡིས། །ཁྱོད་ཀྱི་མངལ་དུ་བདག་མཆིས་ཏེ། །ཡུམ་གྱིས་ནོངས་པ་མ་ལགས་ཀྱི། །འོ་ལྟར་གནོད་བར
434a7 མ་མཛད་ཅིག་། ཐུགས་བརྩེ་ལྡན་ཏེ་བསྐྱེད་པས་ན། །བདག་གི་སྦྱིན་གནས་ཁྱོད་ལགས་སོ། །ཞལ་ཚ་མ་མཛད་མ་འཛེམ་པར། །དེ་བཞིན་གཤེགས་པའི་དྲུང་དུ་བཞུད། །དེ་ལྟར་ཁྱོད
iiif viewer powered by OpenSeadragon
