| e-texts navigator |
| Wylie |
433b1 བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། འཁོར་བ་ན་ཡོངས་སུ་མི་སྐྱོ་བར་འགྱུར་རོ། །སེམས་ཅན་ཐམས་ཅད་ལ་ཞེ་འགྲས་པ་མེད་པའི་སེམས་ནི། བྱང་ཆུབ་སེམས་དཔའ་རྣམས
433b2 ཀྱི་གོས་ཀྱི་རྒྱན་ཏེ། བདག་དང་གཞན་གྱི་དོན་ལ་སྐྱོ་བ་མེད་པར་འགྱུར་རོ། །ཟང་ཟིང་མེད་པར་ཆོས་སྟོན་པ་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། ཤེས་རབ་ཀྱིས
433b3 བདག་དང་གཞན་སྒྲོལ་བར་འགྱུར་རོ། །ཆོས་སྒྲུབ་པ་ནི། བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། ཉོན་མོངས་པ་ཐམས་ཅད་སྤོང་བར་འགྱུར་རོ། །ཀཽ་ཤི་ཀ་།རྣམ་གྲངས
433b4 འདིས་འདི་ལྟར་བྱང་ཆུབ་སེམས་དཔའ་གང་ཆོས་ཀྱི་རྒྱན་འདི་ལྟ་བུ་དག་དང་ལྡན་པ་དེ་ནམ་ཡང་གཅེར་པུ་མ་ཡིན་པར་རིག་པར་བྱའོ། །དེ་ནས་ལྷའི་དབང་པོ་བརྒྱ་བྱིན་གྱིས་ཁྱེའུ་དེ་ལ
433b5 ཤིན་ཏུ་དགའ་བ་དང་། དད་པ་སྐྱེས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ལ་ཐུགས་བརྩེ་བའི་སླད་དུ་བཅོམ་ལྡན་འདས་ཀྱིས་རས་བཅོས་བུའི་ཟུང་འདི་ལེན
433b6 དུ་སྩལ་བར་གསོལ། དེ་ནས་བཅོམ་ལྡན་འདས་ཀྱིས་ཁྱེའུ་སྣང་བ་བསམ་གྱིས་མི་ཁྱབ་པ་ལ་འདི་སྐད་ཅེས་བཀའ་སྩལ་ཏོ། །ཁྱེའུ། རས་བཅོས་བུའི་ཟུང་འདི་ལོངས་ལ་གྱོན་ཅིག་།
433b7 དེ་ནས་ཁྱེའུ་སྣང་བ་བསམ་གྱིས་མི་ཁྱབ་པ་བཅོམ་ལྡན་འདས་ག་ལ་བ་དེར་དོང་སྟེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ
iiif viewer powered by OpenSeadragon
